LOOK: Kristoffer Martin posts throwback photo with Kathryn Bernardo
Biglang nag-flashback kay Kristoffer Martin ang isang out-of-town trip kasama ang dating Endless Love love team partner niyang si Kathryn Bernardo nang magpunta siya sa isang local restaurant sa Iloilo kahapon, January 23.
Sa Twitter post ng Kapuso actor, naikuwento niyang nagtaka siya nang sabihan siya ng isa sa service crew ng, “Welcome back, sir.”
Hindi raw niya maalala kung kailan siya nagpunta sa naturang restaurant hanggang nang ipakita sa kaniya ang lumang larawan niya na kuha sa lugar.
“Di ko maalala 'yung resto. Tapos pinakita 'yung picture ko dati. 2010 pa ata 'to juskooooo. Napakatotoy. Endless Love days pa,” sabi ni Kristoffer sa ipinakitang larawan sa kaniya.
So kumain kami sa resto dito sa Ilo-ilo sabi nung may ari “welcome back sir”. Di ko maalala yung resto. Tapos pinakita yung picture ko dati. 2010 pa ata to juskooooo. Napakatotoy. Endless love days pa. pic.twitter.com/dkNjrzBfHV
-- Kristoffer Martin (@flinsTUNs) Enero 23, 2019
Nagkasama sina Kristoffer at Kathryn sa Filipino adaptation ng hit Koreanovela na Endless Love noong 2010. Ginampanan nila ang batang Dingdong Dantes at Marian Rivera sa naturang teleserye.
Nasa Iloilo si Kristoffer Martin para dumalo sa Iloilo Festival Queen Kag Hiyas Sang 2019
Kristoffer Martin (@flinsTUNs) serenaded the candidates of Iloilo Festival Queen Kag Hiyas Sang 2019 last night! ✨ #KapusoMeetAndGreet #GMARegionalTV pic.twitter.com/9KBSLeZkBT
-- GMA Artist Center (@ArtistCenter) Enero 24, 2019
