WATCH: Bagong bahay ni Glaiza de Castro sa Baler, silipin!
Espesyal ngayong taon ang Pasko ni Kapuso actress Glaiza de Castro.
Bukod kasi sa kumpleto at magkakasamang magse-celebrate ng Pasko ang kaniyang pamilya, may bago pa silang bahay sa kilalang surfing hub na Baler, Aurora.
"Kasi noong mga nakaraang taon, 'yung ate ko nasa Abu Dhabi, 'yung iba nasa Dipolog. Ngayon, lahat kami nandito sa kami sa Pilipinas. Tapos doon kami nagse-spend ng Christmas namin sa house namin sa Baler," kuwento niya.
Bunga daw ng pinaghirapan niya sa showbiz ang bagong tayong bahay na pinangalanan niyang Casa Galura. Dual purpose din ito dahil bukod sa pagiging tahanan ng kanyang pamilya, may ilang mga extra rooms pa ito na pwedeng rentahan ng mga turista.
"Malapit din 'yung puso ko sa dagat kaya masaya ko na may ganoong dumadating na blessings," ani Glaiza.
Panoorin ang buong ulat ni Aubrey Carampel para sa 24 Oras:
