READ: Paolo Contis, nahirapan gawin ang pelikulang 'Through Night and Day'
Mas lalong maipapakita ng Kapuso comedian na si Paolo Contis ang husay niya sa pag-arte sa pelikulang pagbibidahan niya kasama ang award-winning actress na si Alessandra de Rossi.
WATCH: LJ Reyes and Paolo Contis finally reveal their baby's gender
Nakapanayam ng miyembro ng entertainment press si Paolo sa media conference ng Through Night and Day ngayong Martes ng hapon, October 30.
Dito ikinuwento ni Paolo Contis, kung gaano kahirap i-shoot ang bago niyang movie na kinunan ang kalahati sa kanilang eksena sa Iceland.
Kuwento ng Bubble Gang comedian, “Tiring, very tiring. It's also the first time na matagal ako nawala sa Philippines that I had to leave LJ [Reyes] pregnant. So it's very hard.”
Mahirap din daw malayo nang ganun katagal, lalo at four months pregnant ang girlfriend.
Saad niya, “Medyo mabigat, pero siyempre understandable, work 'yan, it's a good opportunity. Kasi nung una nga pinaplano pa namin na sana magkakasama kami kaya lang siyempre habang tumatagal hindi na siya puwede umalis. May school din si Aki, so I made it a point na everytime we have free time, I talk to them, very supportive 'yung team. Alam nila kapag naka-telepono ako alam nila si LJ kausap, kasi I have to check on them all the time.”
Dagdag ni Paolo, sinubukan daw nila sa movie na Through Night and Day ang iba pang magagandang views sa Iceland.
“The experience sa Iceland is very nice, beautiful place… Maganda 'yung lugar pero at the same time hindi mo din maipakita maayos kasi ang daming tao. So pumili kami ng mga lugar na oo hindi kasing ganda, hindi kasing sikat pero less crowded kasi makikita mo 'yung view.”
Sa interview, ibinahagi din ng aktor na dito sa Pilipinas na manganganak ang girlfriend at itinuturing nilang blessing ang kanilang first baby.
“Blessing si baby, simula noong dumating siya, sabi nung anak ko mag-ipon ka [laughs]…
“Mas maalagaan ko siya dito. Of course hindi ko masasabi If I have work, I have to work. Tapos siyempre magkakaroon kung sa Amerika kasi siya manganganak matagal siyang mawawala. Hindi naman ako puwede palit-lipat."
"It's sad, it's sad kasi siyempre hindi siya makakapag-Christmas with her family there siyempre busy din 'yung mom niya at saka ate niya sa States, so hindi rin puwede.”
