Rayver Cruz, 'feel at home' na sa GMA Network
Mabilis naramdaman ni Rayver Cruz na parte na siya ng Kapuso family. Lalo na ngayong makakasama niya ang ilan sa mga Kapuso stars sa upcoming musical variety show, ang Studio 7.
Aniya, "Nahiya ako kausapin sila, nahiya ako, [and iniisip ko] kung ano'ng puwede kong gawin sa show. Pero nung nakausap ko na sila, sobrang na-feel at home ako agad. Ang babait nilang lahat.
"And ang gagaling nilang lahat, nakaka-proud. And iba rin talaga 'yung talent ng mga kasama ko dito sa show. And 'yung mga Clashers. 'Yung feeling na na-feel at home ako agad, and masaya ako dahil comfortable ako agad sa unang taping day lang namin."
Isa raw sa dapat abangan ay kung kakanta rin ba si Rayver dito. Ika niya, "Kahit ano naman po gagawin namin para mas mapasaya 'yung mga tao, 'yung mga manonood."
Ipapalabas ang Studio 7 ngayong October 14, pagkatapos ng Daig Kayo Ng Lola Ko.
