Around GMA

Article Inside Page

Naiintindihan ni The Clash judge Lani Misalucha kung bakit minsan na siyang natawag na “upstager” o mahilig mang-upstage o manapaw ng kaniyang fellow performers.

Giniit ni Lani na sa lahat ng kaniyang naging performances, hindi niya intensyong mang-agaw ng eksena.

View this post on Instagram

See you later tonight and tomorrow! #Repost @solaireresort ・・・ Lani and Morissette join forces for their first-ever musical pairing. Catch their spectacular performance live this September 22 and 23 at #TheTheatreAtSolaire! Buy your tickets now!

A post shared by Lani Misalucha (@lanimisalucha) on Sep 21, 2018 at 9:21am PDT

Inihalintulad ni Lani ang sarili niya kay Morisette Amon, ang kaniyang kasamang artist sa “A Lani Morisette A Musical Journey Concert” na mangyayari sa Theatre at Solaire ngayong Linggo ng gabi (September 23).

Nararamdaman ni Lani na may pagkakataon din na iniuugnay ng publiko si Morissette sa kaparehong “sapawera” isyu. Naiintindihan niya kung bakit may mga nagkokomento ng ganoon tungkol sa kaniya at kay Morisette.

“If you've seen her performances, I am telling you, para siyang baterya na hindi nauubos. Hindi maubusan ng energy o power. Parang sa commercial ng Energizer, 'it keeps on going and going,” kuwento ng beteranang singer.

“Whether it's a mellow song or matataas na songs, she would be giving it her all. Merong nakakarating sa akin na [usap-usapan], na meron din mga, I don't know if it's right to use the word 'insecure,' na ibang singers na somehow na-aano sa kaniya kasi that's how good she is.

“Hindi naman 'yon sinasadya kasi 'yon siya e, gano'n siya mag-perform.”

View this post on Instagram

sharing this outtake from our concert shoot, 'cause this is what's next.. #ALaniMorissetteMusicalJourney SEPTEMBER 22 & 23 at THE THEATRE AT SOLAIRE!!! get your tickets now at ticketworld.com.ph and we'll see you all there 😘

A post shared by M O R I S S E T T E (@itsmorissette) on Sep 8, 2018 at 8:09am PDT

Sinigurado naman ni Lani na walang sapawang magaganap sa kanila ni Morissette.

“Siyempre parehang belter, so ang iisipin ng mga tao, bakbakan talaga. Hindi maiiwasan na 'yon ang gusto ng mga tao na makita.

“Ang gusto lang namin i-showcase, our show will feature the story that happened in our life. The adventure that we went through to reach this certain point of our life [and career]. 'Yong buhay namin through beautiful singing, beautiful music.”

Kahit na siya ang mas maraming experience pagdating sa pagpe-perform, tinuturing din ni Lani na isang karangalan ang maka-trabaho si Morisette. Sabi niya, “Two years ago na po ito napag-isipan na magsama kami ni Mori (para sa isang concert) pero dahil hindi nagpepermit ang time at schedule namin, ngayon lang talaga matutuloy.”

Dagdag niya, “I am really privileged to be performing with this young lady who happens to be half my age, more than half.”

Gano'n din naman ang nararamdaman ni Morisette. “It's an honor to be collaborating with Ms. Lani and getting to work with her. Sobrang humbling experience. Napaka-humble din po niya. She's really one of the artists I look up to, ever since I started po.”

Inamin ni Morisette na sa mga kanta ni Lani, paborito niya ang “Tila.”