EXCLUSIVE: Ayra Mariano reveals home-schooling teaches her to be independent
Matapos manalo bilang StarStruck Season 6 First Princess noong 2015, sunud-sunod na ang mga proyekto ni Ayra Mariano sa GMA Network. Kasalukuyan siyang napapanood sa morning series na Ang Forever Ko'y Ikaw bilang Marione.
Para mapagtuunan niya ang kanyang showbiz career, sumasailalim siya sa home-schooling program ng Asian Institute of Management.
Saad niya sa isang eksklusibong panayam, "End of semester or ng isang module, pwede na akong mag-exam pero since trimester 'yon, kailangan every four months matapos ko 'yung isang semester ko. Open calendar siya so anytime pwede ako mag-enroll."
Maaari raw siyang kumuha ng tutor pero mas pinili niyang mag-self-study dahil mas madali ito para sa kanya at tinuturuan siya nitong maging independent.
"May seat works din ang home-schooling pero ang difference lang is ako lang mag-isa ang nag-aaral. Pwede naman ako mag-tutor pero pinili kong mag-self-study kasi mas madali para sa akin. Somehow, mahirap din kasi kailangan ko din maintindihan 'yung modules ko kasi lahat ng andu'n, lalabas sa exam," bahagi ng 20-year-old actress.
Home-schooled man, hindi issue para kay Ayra ang pakikipag-socialize dahil siya mismo ay home buddy. Aniya, "Medyo home buddy ako, hindi rin ako pala-labas. So, sanay ako na parang konti lang friends ko. 'Yung mga friends ko, 'yun lang talaga 'yung trusted friends ko."
