MUST-READ: Anak ni Aiai Delas Alas na si Sancho Vito Delas Alas, may buwelta sa bashers ni Gerald Sibayan
Malapit na ang kasal nina Aiai Delas Alas at ang kanyang non-showbiz boyfriend na si Gerald Sibayan. Ngunit ilang buwan bago ang inaabangang pag-iisang dibdib ng dalawa sa Amerika, maraming intriga ang ibinabato ng netizens kay Gerald.
Dahil sa mga intriga na natatanggap ni Gerald, hindi na nakapagpigil ang anak ni Aiai na si Sancho Vito Delas Alas na magbigay ng kanyang reaksyon sa isyu.
Ani Sancho, "Para po sa mga nangungutya at mga nega sardines, alam naman po natin pare-pareho na marami ng pinagdaanan ang nanay ko sa larangan ng pag-ibig. Sana lang eh maging masaya na lang tayo para sa kanila. Kami ngang mga anak hindi tumututol kayo pa kayang hindi namin kaano-ano at all? Lumang tugtugin na 'yung “habol lang eh pera” “iiwan ka din niyan para sa mas bata.” Tigilan na ho sana natin 'yan. Marami ng napatunayan si Gerald 'di lang sa aming magkakapatid kung 'di [pati] na rin sa buong pamilya namin. Mahal na mahal ni gerald ang nanay namin. Nagtapos 'yun mag-aral dahil marami siyang pangarap para sa kanila ng nanay ko. Nagsisipag magtrabaho 'yan para nanay ko. Kaya pakiusap lang po, tigilan na ang panghuhusga."
Samantala, humihingi na rin ng legal advice si Aiai upang matigil na ang cyber bullying na natatanggap ni Gerald.
Aiai Delas Alas mulls legal action against fiance's cyberbullies
