MUST-READ: Ang hugot ni Kim Domingo sa mga taong "manggagamit"
Malalim ang pinaghuhugatan ng sexy Kapuso star na si Kim Domingo sa mga “taong manggagamit.”
Parinig niya sa mga hindi niya tunay na mga kaibigan, “'Yung mga taong nagsalita o may ginawa na hindi maganda [sa akin], sa harap ko man o sa likod. ‘Yung mga taong naalala ka lang kapag may kailangan sila [sa iyo].”
Iniiwasan niya raw ang mga ito dahil “walang dahilan para makipagplastikan ako [sa kanila].”
Pinipili ng aktres ang mga gusto niyang kaibiganin dahil marami nang dumaan pero nawala rin. Pinapahalagahan niya na lang ang mga taong hindi siya iniwan kahit ano pa man ang nangyari sa buhay niya.
“May iilan na nanatili pa ding totoong kaibigan ko [at] sila ang mga taong lubos kong pinasasalamatan dahil bibihira sa mundong ito ang makahanap ng tunay na kaibigan. Para sa akin, di bale ng kaunti ang kaibigan ko basta totoo,” pagtatapos ng Bubble Gang at Super Ma'am actress sa kanyang post.
