Lolit Solis, naikumpara si Kris Aquino kay Sharon Cuneta
Sa gitna ng mainit na issue na kinasasangkutan ng Queen of All Media na si Kris Aquino at ng dati nitong asawa na si James Yap kaugnay sa diumano ay panggagamit ng huli sa anak nitong si Bimby for publicity, nagbigay ng kanyang saloobin ang beteranang talent manager at showbiz columnist na si Lolit Solis.
Panimula ni Lolit: "Bongga si James Yap at Kris Aquino, naungkat ang financial support para kay Bimby. Bigla ko tuloy naalala sila Gabby Concepcion at Sharon Cuneta."
Noon daw ay natatawa ito dahil di niya maisip na isang ang isang megastar ay maghahanap ng financial support na tulad ng sa kaso ni Kris ngayon with James.
"Sasabihin ng ilan ang dami nang pera ng mga nanay na ito bakit pa nanghihingi, financially mas matatag pa nga ang katayuan nila sa buhay bakit pa? Siguro nga it is a matter of principle para sa kanila or let's say para lang alam din ng tatay ang responsibilidad niya sa kanilang anak."
Dagdag na kuwento pa ni Manay Lolit: "Noon ngang Gabby-Sharon, tatawanan n’yo kung magkano ang amount involved, 5K a month lang, as in five thousand ha na pag na-delay padala, ayan na tatawag na attorney ni Sharon kaya sabi ko kay Gabby bakit ‘di pa niya ibigay ng buo na 60K para sa isang taon? Laughing matter dahil sure ako hindi iyon kailangan ni Sharon pero dapat sundin kung ano ang napagkasunduan so understand ko ang ginagawa ni Kris."
Basahin ang buong saloobin ni Manay Lolit.
