WATCH: Mariel Rodriguez gives birth to baby girl

Noong Setyembre, lumipad si Mariel Rodriguez patungong Estados Unidos upang pagtuunan ng pansin ang kaniyang maselang pagbubuntis at kahapon, November 14, ipinanganak niya na ang kaniyang panganay na si Baby Isabella.

Sa kasamaang palad, hindi nakasama ang kaniyang asawa na si Robin Padilla sa Amerika ngunit kahit gayon ay todo suporta pa rin ang action star kay Mariel. Sa katunayan nga ay magka-video chat pa ang dalawa habang nagla-labor si Mariel.

 

SubhanaAllah Alhamdulillah Allah hu akbar Allah hu akbar Allah hu akbar !!! Isabella was born 7:56 am on November 14,2016, 7.3 lbs and 20 inches. Exactly 21 hours of labor and Normal Delivery..Maraming salamat po Mahal na Panginoong maylikha sa biyaya ng buhay at kaligayahan. Nagpapasalamat po ako sa mga taong inyong inalay sa amin upang maalagaan ang aking asawa sa kanyang maselan na pagbubuntis hanggang sa panganganak. Ako ay nagpupugay sa iyo tita Maricon Termulo at Eric Tamesis na nagsilbing hotel ang kanilang bahay, naging driver bodyguard ang buong pamilya at higit sa lahat ay ang haplos ng isang ina at sa Iyo Sir Abellardo Termulo sa pagpapakita ng iyong pagmamahal at suporta sa iyong anak, wala po kayong katulad isa po kayong alamat sa pagiging Ama at bilang lolo ni maria isabella ay sinamahan mo siya sa pagtawid mula sa sinapupunan hanggang sa pagsilang, isa pong karangalan na kayo ang pumutol ng umbilical cord. Akoy buong pusong nagpapasalamat sa lahat ng mga amerikanong nurse, midwife at staff na nagpakita ng genuine concern sa panganganak ng aking asawa. Maraming salamat din Analyn sa pagiging kapatid namin sa hirap at ginhawa. Tanggapin po ninyo ang aking paggalang at malalim na pasasalamat Dra Eileen Manalo ???????? Dra Mangubat ???????? at higit sa lahat akoy nagpupugay at naglulumuhod sa lahat ng mga Pilipino sa buong mundo na nagdasal at nagsalmo para maging maayos ang kabanata na ito sa buhay ni @marieltpadilla at ni maria Isabella de padilla. Mabuhay po !!! at pagpalain nawa tayong lahat ng Panginoong Maylikha.

A video posted by robin padilla (@robinhoodpadilla) on Nov 14, 2016 at 3:25pm PST

Sa video na ibinahagi mismo ni Binoy, maririnig ang muli't muling pasasalamat kay Allah sa ligtas na panganganak ng kaniyang asawa.

Welcome to the world, Baby Maria Isabella Padilla!

MORE ON ROBIN PADILLA:

IN PHOTOS: Action stars noon, natatandaan mo pa ba sila ngayon?

7 Reasons why Kylie Padilla will be an awesome big sister to Baby Maria Isabella Padilla

IN PHOTOS: Mariel Padilla's maternity shoot