Hindi daw inasahan ni Kristoffer Martin na siya ang kakanta ng 'Sa Piling Mo,' ang theme song ng top-rating primetime series na Alyas Robin Hood.
READ: Dingdong Dantes, pinuri si Kristoffer Martin sa pagkanta ng theme song ng 'Alyas Robin Hood'
"Nagulat din ako eh. Galing pa kasi ako sa bakasyon nun. Nasa airport ako ng Hong Kong, sabi sa akin ng Artist Center, 'Pagbalik mo, magre-record ka kaagad ng OST ng Alyas Robin Hood.' Ha? Ano'ng pinagpilian n'yo? 'Wala, ikaw talaga,'" kuwento ng Hahamakin Ang Lahat star sa isang exclusive interview with GMANetwork.com.
Dagdag pa niya, "Naintindihan ko kung bakit ako ang pinili kasi rap kasi siya. Nang pinakinggan ko 'yung demo, catchy at ramdam mo 'yung pang-superhero ang kanta. Masaya ako kasi first time ko [kumanta ng theme song] eh."
Masama pa nga raw ang pakiramdam ni Kristoffer nang ni-record niya ang kanta, pero natuwa siya sa feedback ng netizens sa kinalabasan nito.
"Tapos nung ni-record ko pa siya, may sakit ako pero maganda naman daw ang kinalabasan. Andami ang nagtu-tweet sa akin na ang ganda ng theme song ng Alyas Robin Hood."
Narito ang music video ng 'Sa Piling Mo':
MORE ON KRISTOFFER MARTIN:
Kristoffer Martin at Hannah Precillas, ini-record na ang theme song ng 'Hahamakin Ang Lahat'
Kristoffer Martin receives acting nomination for 'Magpakailanman' role
