Celebrity houseguests sa 'Pinoy Big Brother Celebrity Collab Edition'
Isa ang teleserye ng totoong buhay na Pinoy Big Brother Celebrity Collab Edition sa talaga namang sinusubaybayan ngayon ng Pinoy viewers at netizens.
Bukod sa Kapuso o Sparkle stars at Kapamilya o Star Magic artists na bida sa programa bilang housemates, inaabangan at tampok din dito ang ibang showbiz personalities na bumibisita sa Bahay ni Kuya.
Kilalanin ang celebrity houseguests sa Pinoy Big Brother Celebrity Collab Edition sa gallery na ito.
Ivana Alawi
Ang sikat na vlogger-actress na si Ivana Alawi ang pinakaunang houseguest sa Bahay ni Kuya sa Pinoy Big Brother Celebrity Collab Edition.
Phenomenal Content Queen ng Quezon City
Isa sa naging tasks ni Ivana Alawi sa loob ng iconic house ay ang pagpapanggap na isa rin siyang housemate. Nakilala siya sa Pinoy Big Brother bilang Phenomenal Content Queen ng Quezon City.
Mavy Legaspi
Bukod kay Ivana Alawi, isa rin sa mga unang pinapasok sa Bahay ni Kuya ang Kapuso Royal Tropa ni Kuya na si Mavy Legaspi.
Five days
Limang araw nanirahan si Mavy Legaspi sa loob ng Bahay ni Kuya kasama ang celebrity housemates.
Gabbi Garcia
Isa sa mga pangarap ng Kapuso star na si Gabbi Garcia mula noong siya ay bata pa ay ang makasali sa Pinoy Big Brother at makapasok sa Bahay ni Kuya. Kasalukuyan siyang napapanood bilang isa sa hosts ng bagong season ng teleserye ng totoong buhay.
Surprise
Sa isang episode ng Pinoy Big Brother Celebrity Collab Edition, labis na nasorpresa ang Kapuso It Girl ni Kuya na si Gabbi Garcia nang bigla siyang papasukin ni Kuya sa iconic house.
Kim Chiu and Paulo Avelino
Natunghayan sa isang episode ng programa ang pagbisita nina Kim Chiu at Paulo Avelino sa Bahay ni Kuya para makisaya sa grand opening ng paresan ng celebrity housemates.
KimPau
Nagdala ng kilig at saya sina Kim Chiu at Paulo Avelino na kilala bilang KimPau sa pagpasok nila sa loob ng Bahay ni Kuya.