David Licauco, kinilig nang mapag-usapan sila ni Kathryn Bernardo
Hindi napigilan ni Pambansang Ginoo David Licauco na maging isang fanboy sa Kapamilya actress na si Kathryn Bernardo.
Simula noong nagkasama sa iisang stage si David at Kathryn sa Bench "Body of Work" fashion show, marami ang nakapansin ng kanilang chemistry.
Sa mediacon ng bagong pelikula ni David na Samahan ng mga Makasalanan, ibinahagi ni David ang kaniyang reaksyon sa mga ninanais sila pagtambalin ni Kathryn.
"Nagulat ako, siyempre. Growing up, si Kathryn yung someone na I really looked up to," sabi ng aktor.
Inamin ni David na napanood na niya lahat ng pelikula ni Kathryn kasama ang dati niyang boyfriend na si Daniel Padilla.
Pag-amin ng Kapuso actor, "I am a fan and now, I have been seeing mga write-ups about us, Kinikilig ka din dun, kahit sino, and I think anybody wants to work with Kathryn."
Samantalang, nag-react din ang nanay ni David na si Eden Licauco tungkol sa recent runway moment ng kaniyang anak at ng Kapamilya actress sa isang cooking segment ng Unang Hirit.
"He's been vocal naman kasi na parang dream din niya na maka-partner niya si Kathryn. Noong nakasama niya sa Bench show, I was happy for David," ikinuwento ni mommy Eden.
Nabanggit din niya na nagkita na noon sina David at Kathryn sa isang event ng brand noong nakaraang taon. Ayon kay mommy Eden, approve daw sa kaniya na magsama ang dalawa sa isang TV series o pelikula.
Samantala, tingnan dito ang behind-the-scenes photos ni David Licauco sa Bench Body of Work fashion show:
Kathryn Bernardo and David Licauco
Ipinakita ni David Licauco ang onstage moment sa "Bench Body of Work" fashion show kasama si Kathryn Bernardo, kung saan nakangiti sila sa isa't isa.
David Licauco with P-pop Kings SB19
Nakasamang rumampa ni David Licauco sa "Bench Body of Work" fashion show ang P-pop Kings SB19.
Derrick Monasterio and David Licauco
Na-meet din ni David Licauco sa fashion show ang Kapuso hunk at SLAY actor na si Derrick Monasterio.
David Licauco and Dingdong Dantes
Ipinakita rin ni David Licauco ang moment nang makipagkamay kay Kapuso Primetime King Dingdong Dantes sa stage ng "Bench Body of Work."
Alden Richards
Bukod kay David Licauco, rumampa rin sa "Bench Body of Work" fashion show si Asia's Multimedia Star Alden Richards.
Topless
Sa "Bench Body of Work" fashion show, sinorpresa ni David Licauco ang lahat nang mag-topless at ipinakita ang kanyang abs.
Showbiz
Kuwento ni David Licauco, minsan kapag nakakakita siya ng malaking stage at napapasama sa ganito kalaking event ay binabalikan niya kung paano siya nagsimula sa showbiz.
Opportunities
"Grateful" at masaya si Pambansang Ginoo David Licauco sa mga dumarating na oportunidad sa kanya.
