Vlogger na si Boss LB, sasampahan ng reklamo ng PNP HPG
Pinag-uusapan ngayon ang vlogger na si Brian Emnace o mas kilala bilang Boss LB, matapos ang kaniyang kontrobersyal na stunt sa isang kalsada sa Cebu.
Makikita sa kaniyang video na gumagapang siya sa kalsada ng Consolacion habang nakasuot ng kuhol costume. Ang kaniyang stunt at nagsanhi ng mabigat na trapiko sa lugar at nakatanggap ng matinding pambabatikos online. Marami ang nagsabi na ginawa lamang ito ni Boss LB “forda content (for the content),” bagay na ikinadismaya ng netizens, lalo na ng kaniyang kapwa Cebuano.
Sa gitna ng kontrobersya, naglabas ng apology video si Boss LB habang suot pa rin ang kaniyang "snail man" costume.
“Hihingi ako ng patawad sa aking malaking kasalanan na aking ginawa. Hindi iyon magandang gawin at nakadulot ako ng gulo at trapik sa Consolacion,” aniya sa salitang Cebuano.
Nakapanayam din siya ng GMA Regional TV Balitang Bisdak, kung saan muli siyang humingi ng tawad sa publiko. Ayon sa vlogger, 16 seconds lang naman daw siya gumapang sa kalsada at nabili niya ang kaniyang costume online.
Gayunpaman, sa kabila ng kaniyang paghingi ng tawad, nakatakda pa ring sampahan ng Philippine National Police Highway Patrol Group Region 7 (PNP HPG-7) si Boss LB ng reklamong public disturbance.
“Kahit na nag-public apology ang vlogger, pero desidido ang pulisya na magsampa ng reklamo para bigyan ng leksyon ang nakararami na dapat silang maging responsable sa lahat ng kanilang mga aksyon,” sabi ni HPG 7 Director, Police Colonel Wilbert Parilla.
Noong March 10 naman, personal na nagtungo ang vlogger sa Consolacion Police Station upang personal humingi ng tawad sa mga awtoridad.
Sa ngayon, wala pang inilalabas na pahayag ang mga opisyal, kabilang na ang mayor ng Consolacion na si Teresa Alegado, hinggil sa kaso.
SAMANTALA, KILALANIN ANG MGA DATING CHILD STARS NA LUMABAG SA BATAS
John Wayne Sace
Naging laman ng balita noong nakaraang linggo ang dating child star at teen star na si John Wayne Sace matapos siyang arestuhin dahil sa diumano'y
pagpatay niya sa isang kaibigan.
Drug watch
Noong 2016, nabaril si John Wayne nang hindi nakikilalang saralin. Ayon sa PNP, kabilang siya sa drug watch list kasama ang kanyang kaibigang napatay sa pamamaril.
Child star
Unang napanood si John Wayne sa 'Tabing Ilong' kung saan gumanap siya bilang batang James, ang karakter na ginampanan ni Patrick Garcia. Napanood rin siya sa pelikulang 'Dekada '70' at 'Home Along Da Riles.'
Jiro Manio
Sa edad na 12, gumawa ng kasaysayan si Jiro Manio bilang pinakabatang artista na nanalo ng Best Actor sa prestiyosong Gawad Urian awards para sa pelikulang 'Magnifico.'
Drug addiction
Taong 2011, naibalita na pumasok sa isang rehabilitation facility si Jiro para sa drug addiction, at taong 2015 naman pumutok ang balita na pagalagala sa Ninoy Aquino Termina 3 si Jiro matapos nitong maglayas sa bahay nila sa Rizal.
Frustrated homicide case
Noong 2020, inaresto si Jiro matapos niya diumanong saksakin ang isang lalaki sa Marikina City.
CJ Ramos
Nakilala ang pangalang CJ Ramos noong 1990s matapos niyang maging bahagi sa iba't ibang palabas sa telebisyon at pelikula katulad ng 'Tanging Yaman,' 'Okay Ka, Fairy Ko!' at 'Biyudo Si Daddy, Biyuda Si Mommy.'
Drug buy-bust
Taong 2018 nang mahuli si CJ sa isang drug buy-bust operation sa Quezon City. Kinalaunan ay nakalaya rin siya at bumalik sa pag-arte sa 'Ang Probinsyano.'
Baron Geisler
Taong 1994 nang unang mapanood sa telebisyon ang aktor na si Baron Geisler nang mapabilang siya sa teen gag show na 'Ang TV.' Kasunod nito ay nagbukas ang maraming pinto sa kanya sa larangan ng pag-arte.
Acts of lasciviousness
Noong 2008, kinasuhan ni Patrizha Martinez, anak nina Yayo Aguila at William Martinez, si Baron ng acts of lasciviousness. Nagsampa rin ng kaso sa kanya ang aktres na si Yasmien Kurdi noong 2009 bago niya ito iniurong taong 2011.
Grave threat, alarm and scandal, and illegal possession of a deadly weapon
Noong 2018, sinampahan ng kasong grave threat, alarm and scandal, at illegal possesion of a deadly weapon si Baron matapos niya diumanong pagbantaang patayin ang kanyang brother-in-law. Kinalaunan ay iniurong din ang kaso matapos pumayag si Baron na sumailalim sa intensive rehab.
