Dennis Trillo, wagi bilang Best Actor sa MMFF 2024
Muling nanalo ang batikang aktor na si Dennis Trillo ng Best Actor award sa Metro Manila Film Festival 2024 Gabi ng Parangal para sa pelikulang Green Bones, ang official entry ng GMA Pictures at GMA Public Affairs.
Nakalaban ni Dennis sa Best Actor award sina Vice Ganda, Seth Fedelin, Vic Sotto, Piolo Pascual, at Arjo Atayde. Taong 2018 nang unang mapalalunan ni Dennis ang Best Actor award sa MMFF para sa pelikulang One Great Love.
"Maraming salamat po dito sa karangalan na ito, isang napakalaking karangalan na tumanggap ng isang napaka-espesyal na parangal sa harap ninyong lahat," pahayag ni Dennis matapos tanggapin ang Best Actor award.
"Lagi ko pong sinasabi na ngayong araw ng kapaskuhan, ayaw ko na pong magpa-stress sa pakikipagkumpetensya o pakikipagpagalingan sa kahit kanino man dahil pakiramdam namin panalo na kami nu'ng napasok pa lang sa sampung entries dito sa 50th anniversary ng Metro Manila Film Fest ang 'Green Bones.'"
Sa Green Bones, ginagampanan ni Dennis Trillo ang karakter na si Domingo Zamora, isang presong nakulong dahil sa pagpatay niya sa kapatid niya at sa anak nito.
Posibleng mapalaya na si Domingo pero sisiguraduhin ng prison guard niyang si Xavier Gonzaga (Ruru Madrid) na hindi ito mangyayari.
Mapapanood pa rin sa sinehan sa buong bansa ang Green Bones.
Congratulations, Dennis!
Check out the highlights of Dennis Trillo's visit to Cebu where he delighted fans by "selling" movie tickets to 'Green Bones':
Dennis Trillo
Kapuso Drama King Dennis Trillo recently visited Cebu to promote the inspirational drama film Green Bones.
Insights
Dennis Trillo happily shared his experiences working on Green Bones, an official entry in the 2024 Metro Manila Film Festival. The intimate event was hosted by Sparkle's Island girl, Shuvee Etrata.
Tickets
Many fans felt fortunate to purchase movie tickets directly from Dennis Trillo. Some even seized the opportunity to take selfies and warmly greet the Kapuso actor.
Arcade
In addition to selling tickets, Dennis Trillo had a great time visiting the arcade. He also had the chance to meet many of his fans.