'FPJ sa GMA,' magbabalik!
Matapos ang ilang dekada, magbabalik ang mga pelikula ng nag-iisang Fernando Poe, Jr., sa original home nito sa telebisyon.
Sa 2025, muling mapapanood ang FPJ classics sa GMA Network, na unang nagpalabas ng mga pelikula ng King of Philippine movies noong '80s. Pinamagatan itong FPJ sa GMA na weekly presentation ng mga pelikula ng legendary action star sa small screen tuwing Sabado ng gabi.
Ang pagbabalik ng FPJ sa GMA ay maisasakatuparan matapos pumirma ng isang partnership agreement ang Kapuso Network at ang FPJ Productions, Inc., ang responsable sa pagre-restore ng mga pelikula ni Da King.
Narito ang ilang larawan mula sa naganap na contract signing ceremony.
GMA x FPJ Productions
Magbabalik ang pagpapalabas sa GMA ng mga pelikula ni late National Artist For Film Fernando Poe, Jr. matapos magkaroon ng partnership agreement ang Kapuso Network at ang FPJ Productions, Inc., na may pinakamalaking koleksyon ng digitally restored films ng batikang action star.
Contract signing
Sa isang contract signing ceremony, dumalo si GMA Network President and Chief Executive Officer Mr. Gilberto R. Duavit, Jr., GMA Network Senior Vice President for Programming, Talent Management, Worldwide, and Support Group, and President of GMA Films Atty. Annette Gozon-Valdes, at ang anak ni Da King na si Senator Grace Poe.
Senator Grace Poe
Nagpasalamat si Senator Grace Poe sa pagkilala ng GMA sa legacy ng kanyang ama na namayapa 20 taon na ang nakalilipas.
Executives and officers
Kabilang din sa mga dumalo sa contract signing event sina (mula kaliwa) Atty. Eugenio "Toto" Villareal, GMA Senior Assistant Vice President for Program Management Ma. Concepcion R. Agnes, FPJ Productions, Inc. President Jeffrey Stevens Sonora, FPJ Productions Vice President and Corporate Secretary and Treasurer Joseph Sonora, anak ni Sen. Grace na si Brian Poe Llamanzares, GMA Network Vice President for Corporate Affairs and Communications Angel Javier-Cruz, Atty. Conrada "Apple" Balboa, at Atty. Ma. Bernadette Vielle Perote.
Da King fan
Inamin naman ng Kapuso top executive na si Mr. Duavit na tagasubaybay siya mismo ng King of Philippine movies simula noong siya ay bata pa lamang. Aniya, isang katuparan ang mapanood muli sa GMA ang FPJ classics.
