Meet 'Forever Young' star, Euwenn Mikaell
Kasalukuyang ipinapamalas ni Euwenn Mikaell sa kanyang kauna-unahang TV lead role sa Forever Young kung bakit isa siya sa pinakamahusay na batang aktor ngayon at kinilala bilang "Best Child Actor" sa prestihiyosong FAMAS Awards.
Sa Forever Young, isang challenging role ang ginagampanan ni Euwenn bilang Rambo Agapito, isang 25-year-old na may rare medical condition na panhypopituitarism kung saan naapektuhan ang paglaki nito. Sa kabila ng kaibahan, lalaban siya bilang mayor ng bayan ng Corazon.
Mas kilalanin ang award-winning child actor na si Euwenn Mikaell sa gallery na ito:
Euwenn Mikaell
Isa si Euwenn Mikaell sa mahuhusay na young talents ngayon ng Sparkle GMA Artist Center.
Sparkle
Noong May 2024, muling pumirma si Euwenn Mikaell ng kontrata sa Sparkle sa naganap na Signed for Stardom 2024.
Firefly
Nakilala si Euwenn Mikaell matapos na pahangain ang lahat sa 2023 award-winning film na Firefly kung saan bumida siya bilang young Tonton. Umiikot ang kuwento ng Firefly sa paghahanap ni Tonton sa mahiwagang island of fireflies na ikinuwento lang noon sa kanya ng kanyang inang si Elay (Alessandra De Rossi).
Awards
Dahil sa husay na ipinakita sa Firefly, nakatanggap si Euwenn Mikaell ng iba't ibang awards tulad ng Best Child Performer sa 2023 Metro Manila Film Festival, 2024 Child Star of the Year sa Platinum Stallion National Media Awards, Most Popular Child Star of the Year sa Guillermo Foundation's Box Office Entertainment Awards, at Best Young Actor sa Paragon Film Lokal Choice Awards.
FAMAS
Kinilala rin si Euwenn Mikaell bilang Best Child Actor sa prestihiyosong FAMAS Awards dahil sa kanyang natatanging pagganap sa Firefly.
Lolo and the Kid
Muling ipinamalas ni Euwenn ang husay bilang aktor nang bumida sa Netflix film na Lolo and the Kid, kung saan nakasama niya ang beteranong aktor na si Joel Torre.
TV Shows
Simula 2017, napanood na si Euwenn Mikaell sa ilang TV shows sa GMA tulad ng Destined to be Yours, The One That Got Away, Cain at Abel, My Special Tatay, One of the Baes, Hanggang sa Dulo ng Buhay Ko, Nakarehas na Puso, The Write One, Abot-Kamay na Pangarap, Magpakailanman, Tadhana, at Regal Studio Presents: My Daddy Chef.
Forever Young
Kasalukuyang napapanood si Euwenn Mikaell sa kanyang kauna-unahang TV lead role sa afternoon series na Forever Young, na nagsimula noong October 21.
Rambo Agapito
Sa Forever Young, nagbibigay inspirasyon si Euwenn Mikaell bilang Rambo Agapito, isang 25-year-old na may panhypopituitarism, isang rare medical condition kung saan naapektuhan ang paglaki nito.
6th grader
Sa kasalukuyan, nasa ikaanim na baitang na sa elementarya si Euwenn Mikaell. Kuha ang larawan niyang ito sa unang linggo ng kanyang pasukan noong August 2024.
First TV commercial
Tatlong taon lamang noon si Euwenn Mikaell nang mapanood sa kanyang unang TV commercial.
2024 Gintong Kabataan Awards
Noong November 15, isa si Euwenn Mikaell sa mga binigyan ng parangal sa 2024 Gintong Kabataan Awards mula sa Tanggapan ng Pagpapaunlad ng Kabataan at Isports (PYSDO) ng pamahalaang panlalawigan ng Bulacan, kung saan nakatanggap siya ng plaque ng pagkilala bilang GKA--Special Citation.
Ang GKA ay "ang natatanging parangal sa mga kabataang Bulakenyo na nagpamalas ng natatanging husay at galing sa iba't ibang larangan."
Iniidolong artista
Sa interview sa Updated with Nelson Canlas, sinabi ni Euwenn Mikaell na isa si Kapuso Primetime King Dingdong Dantes sa mga iniidolo niyang artista. Aniya, "[Hardworking] si Kuya Dingdong."
