#GiyeraNaSaGMAPrime: 'Pulang Araw,' Widows' War,' and 'Asawa Ng Asawa Ko,' characters and their weapon of choice
Handang-handa na ang Pulang Araw, Widows' War, at Asawa Ng Asawa Ko stars sa paparating na giyera na magsisimula ngayong September 2 sa GMA Prime.
Ang bawat karakter sa tatlong bigating serye ay kilala sa pagkakaroon ng kanya-kanya nilang mga sandata.
Tumatak din sa mga manonood ang ilang bagay na may koneksyon sa kanilang mga karakter na at ginamit sa ilang matitinding eksena.
Anu-ano kaya ang mga ito? Alamin sa gallery sa ibaba.
Eduardo at ang kanyang armas
Sa gitna ng giyera sa Pulang Araw, kakampi ni Eduardo (Alden Richards) ang kanyang armas upang puksain ang hukbo ng mga mananakop.
Adelina at ang kanyang panulat
Ang panulat ang magiging instrumento ni Adelina (Barbie Forteza) upang lumikha ng mga liham at i-dokumento ang mga pangyayari sa giyera.
Teresita at ang kanyang sapatos
Magiging kasangkapan ni Teresita (Sanya Lopez) ang kanyang sapatos sa pagsayaw sa Bodabil sa gitna ng giyera.
Hiroshi at ang kanyang armas
Sa pagdating ng giyera, armas din ang magiging katuwang ni Hiroshi (David Licauco) upang makaligtas sa labanan.
Col. Yuta at ang kanyang samurai
Handa nang paslangin ni Col. Yuta Saitoh (Dennis Trillo) ang mga kalabang kanyang makakaharap.
Marcel at ang kanyang mikropono
Idadaan ni Marcel (Derrick Monasterio) sa pag-awit gamit ang kaniyang mikropono ang pangamba sa gitna ng matinding giyera.
Akio at ang kanyang baril
Hindi magpapatalo si Akio (Jay Ortega) upang puksain ang kanyang mga kaaway gamit ang kanyang baril.
Sam at ang kanyang payong
Ipinakita sa Widows' War na ang hawak na payong ni Sam (Bea Alonzo) ang ipinangtulak niya sa asawa niyang si Paco (Rafael Rosell).
George at ang basag na bote
Isang basag na bote ang ginamit ni George (Carla Abellana) upang takutin si Beverly (Bianca Manalo), ang nagpakilalang girlfriend ng asawa niyang si Basil (Benjamin Alves).
Galvan at ang kanyang baril
Isa si Galvan (Tonton Gutierrez) sa mga talaga namang kinatatakutan sa Palacios' Estate.
Francis at kanyang ugali
Hilig ni Francis (Jeric Gonzales) na agad na sumugod upang makipag-away sa mga taong nang-aapi sa kanyang pamilya. Ang kanyang palaban na pag-uugali ang madalas na ginagamit niya bilang sandata.
Ruth, ang ina ni George
Tila hindi magpapatalo si Ruth (Jackie Lou Blanco) sa mga tulad niyang mga ina na sobrang palaban.
Amando at ang kanyang baril
Madalas tahimik, pero may taglay ding katapangan si Amando (Lito Pimentel). Minsan na rin siyang nakitaan na may hawak na baril.
Mercy, ang ina ni Sam
Gaya ni Francis (Jeric Gonzales), kaya ring ipagtanggol ni Mercy (Timmy Cruz) ang kanyang pamilya.
Rebecca at ang kanyang spirit cards
Instant kaba palagi ang dala ng spirit cards ni Rebecca (Rita Daniela).
Jericho at ang kanyang tools
Hilig ni Jericho (Royce Cabrera) ang pagdiskubre at paghahalungkat ng mga bagay na tungkol sa ama nila ni Rebecca (Rita Daniela). Minsan na niyang hinukay ang libingan ng kanyang ama at nalaman niyang wala roon ang bangkay nito.
Vivian at ang kanyang nakakainis na ugali
Isa si Vivian (Lovely Rivero) sa mga kinaiinisan sa Widows' War. Lagi siyang nakikialaman sa mga kaganapan sa loob ng Palacios' Estate.
Aurora at ang kanyang shotgun
Madalas ipinapanakot ni Aurora (Jean Garcia) ang kanyang shotgun sa tuwing may nagtatalo sa loob ng Palacios' Estate.
Basil at ang kanyang cellphone
Hanggang ngayon ay hindi pa nakikita ang cellphone ni Basil (Benjamin Alves), ang asawa ni George (Carla Abellana) na namatay dahil sa pagkalason.
Peter at ang kanyang ambisyon
May misteryosong pagkatao at mga plano ang isa sa bodyguards ng mga Palacios na si Peter (Brent Valdez). Paglalarawan ni Peter sa kanyang karakter, “To kill for naked ambition.”
Cristy at ang kanyang baril
Dahil naging miyembro ng KALASAG sa Asawa Ng Asawa Ko, natuto si Cristy (Jasmine Curtis-Smith) na gumamit ng baril para depensahan ang kanyang sarili.
Jordan at ang kanyang baril
Matapos mabihag ni Alakdan (Luis Hontiveros), nailigtas ni Jordan (Rayver Cruz) ang kanyang sarili dahil sa baril na binigay sa kanya ni Mariposa (Faye Lorenzo).
Shaira at ang kanyang megaphone
Sigaw ang naging panlaban ni Shaira (Liezel Lopez) sa mga tao kaya ang kanyang sandata ay megaphone.
Leon at ang kanyang baril
Bilang dating pinuno ng KALASAG, magaling si Leon (Joem Bascon) sa paggamit ng baril.
Hannah at ang kanyang pera
Dahil mayaman siya, ginagamit ni Hannah (Kylie Padilla) ang kanyang pera para mapasunod ang mga tao sa gusto niya.
Carmen at ang kanyang tubig
Tubig lang ang sandata ni Carmen (Gina Alajar), lalong-lalo na tuwing nanggugulo si Shaira sa bahay nila.
