Lianne Valentin, Andrea Torres, John Vic De Guzman, Prince Celemente, dumalo sa Balbagan Festival
Dumalo at nakisaya sa nagdaang Balbagan Festival ang Kapuso stars na sina Lianne Valentin, Andrea Torres, Abot-Kamay na Pangarap actor John Vic De Guzman, at Black Rider actor Prince Clemente sa Binalbagan, Negros Occidental.
Ang Balbagan Festival ay isang selebrasyon para ipagdiwang ang pinagmulan ng Binalbagan, kabilang na ang isang folklore tungkol sa higanteng ahas na humaharang umano sa Binalbagan River.
Kaya naman, ang pagdiriwang ng Balbagan Festival ay puno ng musika at sayawan; ang pagtambol ay nagpapaalala ng dating balbag ritual; habang ang mga mananayaw ay nakabihis at sumasayaw ng gaya sa ahas sa kuwento.
Tingnan kung paano nakisaya ang Kapuso stars na sina Lianne, Andrea, John Vic, at Prince sa gallery na ito:
John Vic De Guzman
Pahinga muna sa role niya bilang Doc Ken si John Vic De Guzman para magbigay ng show-stopping performance para sa mga Kapuso sa Binalbagan.
Manggagamot ng puso?
Tila lumalabas ang pagiging doktor ni John Vic De Guzman nang "gamutin" niya ang puso ng isa sa mga manonood nang pakiligin at haranahin niya ito.
Pinagkakaguluhan
Pinagkakaguluhan si John Vic De Guzman ng mga fan na nakapagpa-picture na, ay nakahalik pa sa aktor.
Prince Clemente
Ibang saya at tuwa naman ang dala ni Prince Clemente para sa mga Kapuso sa Binalbagan.
Kilig at tili
Pinakilig rin ni Prince Clemente ang mga manonood na hindi napigilang mapatili sa dalang charm ng Kapuso hunk.
Tunay na Prinsipe
Tila isang tunay na prinsipe ang Black Rider actor na si Prince Clemente para sa kaniyang fans na dumalo sa Balbagan Festival.
Andrea Torres
Sweet and sexy ang naging performance ni Andrea Torres para sa mga Kapuso na dumalo sa naganap na Balbagan Festival.
Nagpapakilig
Hindi lang ang Kapuso hunks na sina John Vic De Guzman at Prince Clemente ang nagpakilig dahil maging si Andrea Torres ay kinakiligan din, lalo na nang imbitahan niya ang isang miyembro ng audience sa stage.
Sweet kiss
Bilang pa-thank you, nakatanggap naman ang aktres ng isang sweet na kiss mula sa kaniyang fan.
Lianne Valentin
Isang full performance ang hinandog ni Lianne Valentin para sa mga Kapsuo sa Binalbagan.
Maraming salamat
Maraming salamat sa mainit na pagtanggap kina Lianne Valentin, Andrea Torres, John Vic De Guzman, at Prince Clemente, mga Kapuso. Hanggang sa uulitin!
