Celebrities and influencers na kumasa sa 'Asoka' makeup trend
Parami na nang parami ang sumusubok ng nauusong challenge ngayon sa TikTok - ang “Asoka makeup trend.”
Ang mga content creator, kaniya-kaniyang paandar sa kanilang video entry, maging ang ilang celebrities ay naki-join na rin sa trend.
Ang “Asoka” ay pangalan ng 2001 Bollywood film na pinagbidahan nina Kareena Kapoor at Shah Rukh Khan.
Sa nasabing makeup trend, magta-transform sa isang Indian bride look ang gagawa ng entry habang sinasabayan ng creative transitions ang kantang “San Sanana.”
Narito ang ilan sa mga “Asoka makeup trend” look ng celebrities at ng ilang social media influencers:
Zeinab Harake
Isa sa pinaka latest sa Asoka makeup trend ay ang entry ng celebrity influencer na si Zeinab Harake. Napuno ng white and gold props ang costume ng transformation ni Zeinab na pinusan ng maraming netizens.
Alex Gonzaga
Bentang-benta naman sa social media ang kuwelang Asoka makeup trend entry ng celebrity vlogger na si Alex Gonzaga. Mapapanood sa kaniyang video na isinama pa niya sa kaniyang transition ang kaniyang Mommy Pinty.
Donnalyn Bartolome
Hindi rin nagpahuli sa Asoka makeup trend ang binansagang Social Media Goddess na si Donnalyn Bartolome. Mapapanood din sa kaniyang entry ang kaniyang rumored boyfriend na si JM De Guzman.
Chad Kinis
May bonggang entry rin ang comedian na si Chad Kinis sa Asoka makeup trend. Ang paandar ni Chad, nag-transform muna siya sa pagiging Avatar na si Aang bago maging isang Indian bride.
Michelle Dy
Ipinasilip naman ng make-up vlogger na si Michelle Dy ang kaniyang struggle sa paggawa ng Asoka makeup trend dahil siya na mismo ang nag-ayos sa kaniyang transformation.
Lenie Aycardo
Dahil sa requests ng kaniyang supporters, dalawang Asoka makeup trend entry ang ginawa ng TikTok content creator na si Lenie Aycardo.
FordaFerson
Napa-wow naman ang supporters ni FordaFerson sa kaniyang pasabog na transformation sa kaniyang Asoka makeup trend entry.
Spencer
Pinabilib naman ni Spencer Serafica ang kaniyang followers dahil binigyan niya ng male version ang Asoka makeup trend.
Fujicko
Isa sa pinakamaraming likes and views sa Asoka makeup trend sa TikTok ang entry ng content creator na si Fujicko dahil sa kaniyang smooth transitions at unique transformation.
Marian Rivera
Pinaingay pa ni Kapuso Primetime Queen Marian Rivera ang Asoka makeup trend sa TikTok nang kumasa siya rito. Pero imbes na isang Indian bride, ni-recreate ni Marian ang kaniyang look sa 2007 hit series na MariMar.
