Zeinab Harake, naloka sa intimate scene nila ni Derek Ramsay sa Kampon

Natatawa na tila nahihiyang ikinuwento ni Zeinab Harake ang matinding love scene nila ni Derek Ramsay sa Kampon, na isa sa official entries ng 2023 Metro Manila Film Festival.

“Yung scene po, medyo naloka ako,” sabi ng vlogger-turned-actress na si Zeinab sa ginanap na press conference ng Kampon noong Lunes, December 11.

Patuloy niya, “Kasi po, yung character po ni Loreta, ang layo po nun sa Zeinab, e. Kailangan pong makita yung expression doon habang ginagawa yun. Yun po ang unang tinatak sa isip ko habang ginagawa yung eksenang yun kaya medyo naloka ako.

“'Tapos noong nakita ko po sa screen, nakita ko na nang very slight, doon ako naloka. 'Ako 'to? Ako talaga 'to?' Parang Anne Curtis, ganung level na napapanood ko with Sir Derek Ramsay.

“'Tapos, isa ako sa nabigyan ng pagkakataon na gawin yun. Hindi ko alam kung good ba yun or bad, pero nailaban naman po, abangan n'yo yung ginawa ko rito.”

Ayon naman kay Derek, ang eksenang ito na ginawa nil ani Zeinab ay kinakailangan sa pelikulang idinerehe ni King Palisoc.

Sabi ng aktor, “Yung scene kasi namin parang one-night stand, lasing, so dapat medyo rough and very different from the love scene namin ni Beauty na we're trying to conceive a child. Talagang kami [ni Zeinab] may kagat-labi, medyo intense talaga siya. But sobrang natuwa si Direk [King], pumasok siya ang all praises.”

At dahil first acting project ito ni Zeinab, naging maingat naman si Derek sa kanya habang ginagawa ang eksena para sa Kampon.

Aniya, “Gaya ng other love scenes ko, sabi ko kay Zeinab, 'Let's just do this in one take para hindi ka maging awkward.' Ang yung transformation niya from Zeinab to her character, Loreta, was in a snap of a finger. Mabilis na nagawa yung eksena even though it's her first time to do something like that. Siguro natapos namin ang eksena in 30 minutes, but it was an intense 30 minutes.”

Kaugnay nito, nagpapasalamat si Zeinab sa pag-guide sa kanya nina Derek at Direk King.

Sabi ng baguhang aktres, “Honest lang po, first time ko lang po nakipag-kissing scene sa hindi ko ka-partner. But noong naka-work ko po si Sir Derek, wala po akong masabi, sobrang respeto ko po sa kanya, gina-guide niya po talaga ako.

“Hindi lang si Sir Derek, kundi pati si Direk King, nandun sila to guide me kung paano ko gagawin, paano ko kakayanin. Sana maganda po yung kinalabasan. Lagi po nilang sinasabi na ang ganda po ng ginawa ko sa movie. Pero ako po kasi, hindi pa ako ganun kakumpiyansa sa sarili ko. But nilo-look forward ko po na maging maganda.

“Sobrang thankful ko po. Napakasuwerte ko po na and si Sir Derek Ramsay yung naka-partner ko and sobrang happy po ako.”

TINGNAN ANG MGA KAPUSO ACTORS NA BIBIDA SA MMFF:

Ibig sabihin ba nito ay magtutuluy-tuloy na siya sa kanyang showbiz career?

Sagot ni Zeinab, “Ako po talaga, hindi pa po 100 percent sigurado. Pero may mga pini-pitch naman po yung management sa akin. Lagi ko naman pong sinasabi na kung kukuha man po ako ng project, yung alam ko pong kaya ko po at hindi ako makakaagrabyado ng ibang tao kasi hindi ko kayang gampanan yung role.

So, number one po talaga is kung pagkakatiwalaan ko muna yung sarili ko, kung kaya ko ba yung role o magagampanan ko ba. Naglo-look forward naman po talaga ako sa projects and hindi naman po ako parang humindi sa blessings.”

SAMANTALA, BALIKAN ANG PAGSISIMULA NI ZEINAB SA SHOWBIZ DITO: