'Encantadia Chronicles: Sang'gre' Story Conference
Nagkasama-sama ang ilan sa star-studded cast ng Sang'gre sa naganap na story conference nito noong October 26.
Ipinakilala sina Bianca Umali, Faith Da Silva, Kelvin Miranda, at Angel Guardian bilang bagong henerasyon ng mga Sang'gre.
Si Bianca ang magiging bagong tagapangalaga ng Brilyante ng Lupa, habang ang magmamana naman ng Brilyante ng Apoy ay si Faith, Brilyante ng Tubig si Kelvin, at Brilyante ng Hangin si Angel.
Makakasama rin nila sa continuation ng iconic telefantasya ng GMA sina Glaiza de Castro, Rhian Ramos, Ricky Davao, Sherilyn Reyes, Jamie Wilson, Bianca Manalo, Luis Hontiveros, Vince Maristela, Shuvee Etrata, Pamela Prinster, at ang Gueco twins na sina Vito at Kiel.
Narito ang ilang behind-the-scenes photos mula sa story conference ng Encantadia Chronicles: Sang'gre.
Sang'gre
Nagsama-sama ang ilan sa star-studded cast ng Sang'gre sa kanilang story conference noong October 26.
Faith da Silva, Angel Guardian, Bianca Umali, and Kelvin Miranda
Ang bagong henerasyon ng mga Sang'gre na sina Faith Da Silva, Angel Guardian, Bianca Umali, at Kelvin Miranda.
Bianca Umali
Sa continuation ng iconic telefantasya ng GMA na Encantadia Chronicles sa Sang'gre, makikila si Bianca Umali bilang Terra, ang bagong tagapangalaga ng Brilyante ng Lupa. Si Terra ang nawawalang anak ni Sang'gre Danaya na lumaki at namuhay sa mundo ng mga tao.
Faith da Silva
Sa Sang'gre, gaganap si Faith Da Silva bilang Flamarra, anak ni Sang'gre Pirena at ang magmamana ng Brilyante ng Apoy.
Kelvin Miranda
Si Kelvin Miranda ang magiging tagapangalaga ng Brilyante ng Tubig. Makikilala siya bilang Adamus, anak ni Alena at ang nag-iisang lalaki sa hanay ng mga bagong Sang'gre.
Angel Guardian
Sa Sang'gre, mapapanood si Angel Guardian bilang Deia, isa siyang mine-a-ves at ang bagong tagapangalaga ng Brilyante ng Hangin.
Glaiza de Castro
Muling mapapanood si Glaiza de Castro bilang Pirena, isa sa apat na maalamat na magkakapatid na Sang'gre.
Faith da Silva and Glaiza de Castro
Nakatanggap si Faith Da Silva ng pagbati at advice mula kay Glaiza de Castro.
Rhian Ramos
Gagampanan ni Rhian Ramos ang makapangyarihang diwata na si Mitena, ang isinumpang kakambal ni Cassiopea na lulusob at gugulo sa mundo ng Encantadia.
Ricky Davao
Makakasama sa cast ng Sang'gre ang batikang aktor na si Ricky Davao bilang Emil Salvador.
Bianca Manalo bilang Olgana
Isa rin sa mga bagong karakter na mapapanood sa Encantadia Chronicles: Sang'gre.
Angel Guardian and Bianca Manalo
Ano kaya ang magiging kaugnayan ng mga karakter nina Angel Guardian at Bianca Manalo sa Sang'gre?
Vince Maristela
Ano kaya ang mahalagang role na gagampanan ni Vince Maristela sa buhay ni Terra (Bianca Umali)?
Pamela Prinster
Sa Sang'gre, makikilala si Pamela Prinster bilang Cami. Magiging kakampi kaya siya o kaaway ni Terra (Bianca Umali)?
Direk Mark Reyes
Ang Sang'gre ay ididirehe ni Direk Mark Reyes, na siya ring direktor ng Encantadia 2005 at 2016.
