Healed na ba ang hearts nina Kristoffer Martin at Joyce Ching?

By AL KENDRICK NOGUERA

PHOTO BY ELISA AQUINO, GMANetwork.com

 

Halos tatlong taon din ang itinagal ng relationship ng ex-lovers at ngayo'y Healing Hearts stars na sina Kristoffer Martin at Joyce Ching. Base sa ikinikilos ng dalawa, mukhang naka-move on na sila.

 

Tuluyan na nga ba nilang nakalimutan ang kanilang breakup? "Healed na po 'yung hearts [namin]," agad na sagot ni Joyce.

 

Ayon kay Kristoffer, naging maayos naman daw ang paghihiwalay nila kaya nanatili pa rin ang friendship nila ni Joyce.

 

READ: Sino ang mas nasaktan sa breakup nina Kristoffer Martin at Joyce Ching?

"Parang wala naman nagbago sa 'min. Kumbaga ganito pa rin naman 'yung care [at] 'yung concern. Kumbaga ang nawala na lang sa 'min is 'yung label and commitment," saad ng Kapuso actor.

 

Lalo pa nga raw sila naging close nang mag-break sila. "Actually mas komportable kami sa isa't isa eh. Mas naloloko namin 'yung isa't isa ngayon. Kumbaga mas nailalabas namin 'yung totoong sarili namin na hindi namin nili-limit dahil alam namin na tanggap namin 'yung isa't isa," ani Kristoffer.