What's Hot
Yasmien Kurdi, inaaway sina Bettinna Carlos at James Blanco?
Published January 1, 1970 8:00 AM PHT
Updated February 19, 2020 9:01 PM PHT
Around GMA
Around GMA
David Beckham talks about power of social media, says 'children are allowed to make mistakes' 900 pamilya sa Albay na apektado ng Bulkang Mayon, hinatiran ng tulong ng GMAKF | 24 Oras Rider who obstructs firetruck in Bacolod City identifiedArticle Inside Page
Showbiz News
Inamin ni Yasmien Kurdi na inaaway niya ang kanyang 'Yagit' co-stars kahit offcam.
By AL KENDRICK NOGUERA
Sa nalalapit na pagwawakas ng Yagit, ibinahagi ni Yasmien Kurdi na mami-miss niya ang character niyang si Dolores na halos isang taon din niyang ginampanan.
Kuwento ni Yasmien, ang pinaka mami-miss daw niya sa kanyang Afternoon Prime soap role ay ang maya't-mayang pag-iyak nito. "Minsan kasi, may mga eksena na bigla na lang tumutulo 'yung luha ko na hindi ko naman alam na tumulo na siya. Iyakin nga kasi talaga ako," saad niya.
Dagdag pa niya, "Minsan, sinasabi ko pa lang 'yung dialogue [ay] naiiyak na ako habang binabasa ko pa lang. Grabe ang dramatic ko naman."
Pero ani Yasmien, hinding-hindi niya raw malilimutan ang pag-iyak niya tuwing kaeksena niya ang kontrabida sa Yagit na si Bettinna Carlos. Minsan daw, kahit nag-cut na ang kanilang direktor ay ramdam niya pa rin ang galit sa co-star.
Aniya, "Minsan tuloy tina-try kong i-separate 'yung sarili ko sa kanila [cast] kasi minsan sa character ni Izel, naiinis na rin talaga ako sa kanya mismo. Pero tina-try kong isipin na hindi [siya si Izel], si Bettinna 'to."
Kahit daw si James Blanco ay inaaway ni Yasmien offcam. "Opo ganoon ako eh. Naaapektuhan ako sa script. Hindi ko alam kung bakit. Tapos si Victor dati inaway ko noong inaaway niya si Dolores. Inaaway ko talaga siya sa totoong buhay," natatawang sambit ni Yasmien.
"Sabi ko, bakit ako ganito, nai-imbibe ko 'yung character ko. Kaya minsan talaga kailangan huminga-hinga ka muna sa gilid para matanggal mo 'yung character mo," pagtatapos niya.
