Sofia Pablo, napaiyak sa grand media conference ng bagong sitcom na 'Open 24/7'
Napuno ng tawanan, good vibes at mero'n din konting iyakan ang star-studded na grand media conference ng brand-new sitcom ng Kapuso Network na 'Open 24/7'.
Ang naturang event ay idinaos sa Seda Hotel Quezon City kahapon (May 8) at dinaluhan ng mga Kapuso executives at miyembro ng entertainment press.
Present sa mediacon sina GMA Network Senior Vice President for Programming, Talent Management, Worldwide, and Support Groups Atty. Annette Gozon-Valdes, Sparkle Assistant Vice President Joy Marcelo, Sparkle Senior Talent Manager Tracy Garcia at First Vice President of Program Management Department Joey Abacan.
Spotted rin sa event ng new sitcom ng GMA-7 at M-Zet Productions ang director ng show na si Direk JR Reyes.
Alamin ang mga naganap sa conference at bakit naiyak ang Sparkle teen star na si Sofia Pablo?
Open 24/7
Tuloy-tuloy ang paghahatid ng saya ng multi-awarded comedian at host na si Vic Sotto tuwing Sabado ng gabi via his new sitcom 'Open 24/7', kung saan makakasama niya ang binansagan Majestic Superstar na si Maja Salvador.
Cast
Nakapanayam rin ng entertainment press ang iba pang cast [backrow start from left] na sina Abed Green, Riel Lomadilla, Anjay Anson, Kimson Tan,at Bruce Roeland.
[front row start from left] Game rin sumagot sa mga tanong sina Maja, Bossing Vic, Jose Manalo, at Sparkle Sweethearts na sina Sofia Pablo at Allen Ansay.
Maja Salvador
Selfie muna si Mikaela (Maja Salvador). Ano kaya ang magiging papel ni Maja sa new sitcom?
Kapuso bosses
Nagbigay ng suporta ang Kapuso executives na sina Atty. Annette Gozon-Valdes (fourth starting from right) at Joey Abacan (fourth person starting from left)
Sofia Pablo
Napaluha sa panel interview ang Sparkle actress na si Sofia Pablo at sinabing hindi siya makapaniwala na part siya ng big project kasama sina Maja Salvador, at Vic Sotto.
Lahad ng dalaga, “Masarap sa feeling. Kasi looking at them here po right now sa harap po. Nakakaproud po sa amin kasi before we really dream lang po na magkaroon ng mga project. Pero, we never imagine na makakawork namin sila.
“Oh 'di ba naiiyak ako kasi, I just remember watching them before. I'm so happy, kasi ngayong kumakain kami sabay-sabay sa set. And then, umaarte kami harap-harapan ng comedy. So, 'yun nga sabi ni Allen [Ansay]- bakit ako umiiyak? 'Di ba comedy [laughs].”
Jose Manalo
Malapit n'yo na makilala si Spark na ipo-portray ng multi-talented comedian na si Jose Manalo.
Anjay Anson
Hindi lang tuwing morning magpapakilig si Anjay Anson, dahil pati Saturday night makakasama n'yo na s'ya sa 'Open 24/7'. Abangan si Andoy!
