Meet the cast of Korean melodrama series 'Eve'
Nagbabalik ang umaatikabong Korean melodrama series na 'Eve' sa GTV.
Nitong Linggo, April 7, nag-umpisa ang istorya ng gagawing paghihiganti ni La-el, na ginagampanan ng Korean actress na si Seo Yea-ji.
Bata pa lamang si La-el ay inalis na sa kaniya ang lahat--pera, pamilya, at kasiyahan. Lahat ng ito ay kinuha sa kaniya ng mga mayayamang tao na kinain na ng kasakiman.
Ang pagkamatay ng kaniyang ama at pagkasira ng kanilang pamilya ang mag-uudyok sa kaniya upang isakatuparan ang kaniyang planong paghihiganti, na binuo niya sa loob ng 13 taon.
Ang pangunahing target niya ay ang ang CEO ng LY Group business empire na si Connor (Park Byung-eun), isa sa mga dahilan ng pagkawala ng kaniyang ama.
Sisirain ni La-el ang relasyon ni Connor sa asawa nitong si Silvia (Yoo Sun) na anak naman ng isang kilalang politiko.
Aakitin ni La-el si Connor hanggang sa magkahiwalay sila ni Silvia at mapabagsak niya ang kumpanya nito.
Ang 'Eve' ang isa sa mga pinag-usapang Korean drama series noong 2022.
Huwag palampasin ang kanilang mga intense na eksena sa 'Eve,' Lunes hanggang Linggo, tuwing 5:00 p.m., sa GTV!
Samantala, kilalanin ang mga beteranong aktor at aktres na bumubuo sa 'Eve' sa gallery na ito.
Seo Yeai-ji bilang La-el/Sabrina
Gagawin ang lahat upang makapaghiganti sa mga pumatay sa kanyang ama at sumira sa kanyang pamilya.
Park Byung-eun bilang Connor
Asawa ni Silvia. May kinalaman ang kanyang kumpanya sa pagkamatay ng mga magulang ni La-el.
Lee Ha-yul bilang Jeffrey
Asawa ni La-el. Isa rin sa kanyang paghihigantihan dahil may kinalaman ito sa pagkamatay ng kanyang magulang.
