IN PHOTOS: Meet the cast of the award-winning series 'The Romantic Doctor 2'
Magbabalik sa GMA ang acclaimed South Korean actor na si Han Suk-kyu bilang si Master Kim sa critically-acclaimed South Korean series na 'The Romantic Doctor 2,'. Mapapanood na ito simula February 8 sa GMA.
Makakasama niya rito ang award-winning actors na sina Ahn Hyo-seop na sa unang pagkakataon ay itatampok sa GMA Heart of Asia, at Lee Sung-kyung na first time naman bibida sa GMA primetime program.
Ang 'The Romantic Doctor 2' ang sequel ng seryeng The Romantic Doctor na unang umere sa GMA noong 2017.
Tampok sa serye ang panibagong journey ng nag-iisang surgeon sa South Korea na triple-board certified sa general surgery, cardiothoracic surgery, at neurosurgery na si Dr. Daniel Boo o mas kilala sa tawag na Master Kim (Han Suk-kyu).
Sa pagkakataong ito, ipagtatanggol niya ang pinagtatrabahuhan niyang Doldam Hospital laban sa ilang makapangyarihan na nais itong buwagin. Bukod dito, patuloy din niyang iaangat ang sarili laban sa mga ito na nais siyang pabagsakin.
Alam ni Master Kim na hindi niya kayang kalabanin mag-isa ang mga taong ito na nais siyang ungusan at makitang nagdudusa.
Kilalanin ang mga karakter na handang ipagtanggol at tumulong kay Master Kim na isalba ang Doldam Hospital, gayundin ang mga taong nang-uusig sa kanya.
Master Kim
Gagampanan ng renowned actor na si Han Suk-kyu, si Master Kim ang respetadong doktor sa Doldam Hospital sa Gangwon province. Siya lamang ang nag-iisang doktor sa South Korea na nakatanggap ng triple-board. May paninindigan siya at inuuna lagi niya ang kapakanan ng kanyang mga pasyente.
Wesley Seo
Ang award-winning actor na si Ahn Hyo-seop ang gaganap sa karakter ni Wesley Seo, isang 2nd year general surgery fellow na mayroong troubled past. Bukod dito, kinaiinisan din siya ng mga kapwa niya doktor dahil sa pagiging whistle blower niya.
Emily Cha
Si Emily Cha ay gagampanan ng award-winning actress na si Lee Sung-kyung. Siya ay isang 2nd year cardiac surgery fellow na determinadong maging matagumpany na doktor. Gayunman, mayroon siyang anxiety/panic disorder sa tuwing magkakaroon ng operasyon.
Dr. Miguel Park
Isang propesor sa general surgery at ang bagong direktor ng Doldam Hospital. Dahil sa kanyang nakaraan, nais niyang mahigitan ang nagawa ni Master Kim. Gagampanan ito ni Kim Joo-hun.
Chairman Luis Do
Si Choi Jin-ho ang gaganap bilang si Chairman Luis Do sa serye. Siya ang bagong chairman ng Geosan Foundation at hawak ng foundation na ito ang Doldam Hospital. Nais niyang buwagin ang ospital.
President Yeo
Isang internal medicine specialist at dating director sa Doldam Hospital si President Yeo. Gagampanan ni Kim Hong-pa ang role na ito.
Arianne
Ang South Korean actress na si So Joo-yeon ang gaganap sa karakter ni Arianne, ang bubbly fourth year emergency resident sa Geosan University Hospital na nagdesisyong lumipat sa Doldam Hospital nang makilala niya Master Kim.
Nurse Enzo
Si Nurse Enzo ang isa sa mga pinagkakatiwalaan ni Master Kim sa Doldam Hospital. Nakilala niya si Master Kim nang ma-admit siya sa ospital. Kalaunan, doon na niya piniling magtrabaho. Ang role na ito ay gagampanan ni Kim Min-jae.
Myron
Ang aktor na si Shin Dong-wook naman ang gaganap bilang si Myron, ang orthopedic surgery specialist at senior nina Emily at Wesley sa medical school.
Dr. Ian
Si Dr. Ian ang friendly emergency medicine specialist at in-charge sa emergency cases kapag wala sa Doldam Hospital si Master Kim. Gagampanan ito ni Yoon Na-moo.
Nurse Grace
Ang palabang si Nurse Grace ay gagampanan ng aktres na si Oh Myeong-sim. Siya ang head nurse sa Doldam Hospital at handa niyang ipagtanggol ang Doldam Hospital at si Master Kim sa abot ng kanyang makakaya.
Dr. Nam
Isa siyang freelance anesthesiologist at isa sa mga maaasahang staff sa Doldam Hospital. Si Byun Woo-min ang gaganap sa role na ito.
Nurse Yolanda
Si Nurse Yolanda ay ER expert at isa sa mga mapagkakatiwalaang staff sa Doldam Hospital.
