Arra San Agustin, inilabas na ang bagong single na 'Balang Araw'

Inspirasyon ang hatid ng bagong kanta ni Arra San Agustin na "Balang Araw," na inilabas na noong March 28 sa iba't ibang digital music platforms.

Ang "Balang Araw" ang ikalawang single ni Arra under GMA Playlist. Tatlong taon na ang nakalilipas nang huling maglabas ng single si Arra, ang kanyang debut single na "Hanggang Dito Na Lang" noong July 2022.

"'Balang Araw' is about from the title itself, 'Balang Araw,' someday mararating mo rin 'yung gusto mong marating," sabi ni Arra.

"It's about empowerment. It's about not giving up on yourself. Kasi lahat naman tayo may goals. Lahat tayo may nakalagay sa isipan natin na gusto nating magawa, may gusto tayong marating. Pero, syempre, marami tayong mga obstacles na pinagdadaanan and hindi 'yon dapat 'yung stopping point," dagdag niya.

Sa pamamagitan ng kanyang kanta, hiling ni Arra na ma-inspire niya ang lahat na manatiling positibo sa buhay, kahit na sa gitna ng mga pagsubok.

"I want everyone who listens to this song to feel that sense of hope and energy. This song is for those who are struggling and need a little reminder that things will work out in the end."