Will Ashley shares why opening up to others is hard for him
Kabilang sina Will Ashley at River Joseph sa celebrity housemates na nominado para sa first eviction sa Pinoy Big Brother Celebrity Collab Edition.
Matapos marinig ang malungkot na balita, seryosong nag-usap ang duo na sina Will at River tungkol sa posibleng dahilan kung bakit sila nasama sa mga nominado.
Related Gallery: RaMi, ACLey, WilVer, bakit nominado sa 'Pinoy Big Brother Celebrity Collab Edition'?
Ayon kay Will, “Ayun, 'yung wino-work out ko sa sarili na hindi ko mabago pa, kaya kadalasan kapag nasa ganitong sitwasyon, basta hindi talaga OK 'yung feeling kapag nag-o-open [up].”
Paliwanag pa ni Will, “Masarap din ilabas talaga pero ang way ko ng paglabas, e, iba. Hindi 'yung pag-o-open [up]. Pansin n'yo nung first day natin sobrang tahimik. Mahirap mag-open [up].”
Kaugnay nito, naging emosyonal pa si Will nang ipatawag siya ni Kuya sa loob ng confession room.
Paglalahad ng Mama's Dreambae ng Cavite, “Ako po kasi, hindi po talaga ko ma-open up na tao. Kadalasan po kasing pumapasok sa utak ko, ayokong maging burden sa ibang tao.”
Dagdag pa niya, “Parang iniisip ko lagi na kaya ko namang mag-isa. Gagawin ko nang sarili ko."
Ibinahagi rin ni Will ang kanyang hindi magandang naging karanasan noon na tila naging dahilan kung bakit lalo pa siyang nahirapang mag-open up.
Pahayag ni Will, “Kasi may mga times po tin na naging sobrang open ako. Sobrang naging comfy ako. Lahat ng problems ko naikwento ko hanggang sa nagamit against me, sa likod ko. Hindi po Maganda 'yung sinasabi [sa akin].”
Narito ang reaksyon ng netizens na naka-relate sa saloobin ni Will tungkol sa pag-open up:
Matatandaang noong nasa loob pa ng Bahay ni Kuya ang houseguest na si Ivana Alawi, sinabi sa kaniya ni Will na game siya sa hamon ng una na subukan ang pakikihalubilo sa iba pang housemates sa kabila ng pagiging introvert niya.
Samantala, mapapanood ang Pinoy Big Brother Celebrity Collab Edition, weekdays 10:00 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.
Maaari ring silipin ang mga kaganapan ngayon sa loob ng Bahay ni Kuya sa All-Access Livestream ng programa:
Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.
Related gallery: Meet the Kapuso and Kapamilya hosts of 'Pinoy Big Brother Celebrity Collab Edition''
