Cast ng pelikulang 'Sinagtala', agaw-pansin sa premiere night!
Napuno ng hiyawan at dinagsa ng mga tao ang grand premiere night ng pelikula na Sinagtala sa isang sikat na mall sa Mandaluyong noong Huwebes, March 20.
Full-force ang mga bida ng movie na binubuo nina Glaiza de Castro, Matt Lozano, Rayver Cruz, Rhian Ramos at Arci Muñoz.
Pumunta rin ang ilan sa mga malalaking bituin ng Kapuso Network para suportahan ang pelikula tulad nina Asia's Limitless Star Julie Anne San Jose, Rodjun Cruz, Miguel Tanfelix, at Ysabel Ortega.
Nagpakitang gilas din ang Sinagtala cast ng i-perform nila ng live ang theme song ng kanilang pelikula.
Sabi ni Rhian Ramos sa panayam ng Chika Minute, favorite moments niya ng shino-shoot ang movie ay kapag tumutugtog silang lima.
Aniya, “Nung ginagawa namin 'yung movie some of our most enjoyable scenes 'yung tumutugtog kami as a band. So to be able to do it live, wala, live na live, sobrang iba 'yung excitement.”
Buong ipinagmamalaki naman ni Rayver Cruz ang mga co-star niya sa Sinagtala. Aniya, “Sobrang proud ako sa kasama ko and talagang ito na 'yung moment na mapapanood na natin 'yung Sinagtala.”
Dumalo rin sa star-studded event si GMA Senior Vice President and GMA Pictures President Atty. Annette Gozon-Valdes na inilarawan na 'inspirational' ang movie.
Paliwanag ni Miss Annette, “Nung unang prinesent sa amin 'yung concept ng pelikula, napakaganda!”
“May moral values. It's really an inspirational movie kaya naman ang dami nating mga artista gusto talaga na sumali sa movie na ito.”
Samantala, taos-puso naman ang pasasalamat nina Glaiza at Arci sa lahat ng mga tao na sinuportahan sila sa premiere night.
Sabi ni Glaiza sa 24 Oras, “Overwhelmed po kami sa lahat ng dumating ngayong gabi and siyempre masaya ako na nakatugtog kami for the very first time. Sobrang ipinagmamalaki ko ang talento ng co-actors ko.”
“I'm just really happy to be part of this very talented cast. Through our movie, Sinagtala, thank you so much.” sabi naman ni Arci.
Idinirehe ang Sinagtala ni Direk Mike Sandejas.
RELATED CONTENT: BALIKAN ANG KAPUSO SINGERS NA KILALA RIN BILANG ACTORS SA GALLERY NA ITO:
