Buboy Villar at David Shouder, kabilang sa pelikulang 'Samahan Ng Mga Makasalanan'

Bagong mga "makasalanan" ang ipinakilala ng GMA Pictures sa pelikulang Samahan Ng Mga Makasalanan.

Nitong March 5, ipinakilala na sina Buboy Villar at David Shouder na bahagi ng aabangang cast ng Samahan Ng Mga Makasalanan. Sina Buboy at David ay gaganap bilang si Boy Nakaw at Pester.

Ayon sa post ng GMA Pictures, "Hindi masyadong makasalanan si Pester (David Shouder), pero si Boy Nakaw (Buboy Villar)... minus -10000 na sa Langit!"

Hindi pa rin nawawala sa post ng GMA Pictures ang larawan ni David Licauco. Si David ay mapapanood naman bilang Deacon Sam sa Samahan Ng Mga Makasalanan.

View this post on Instagram

A post shared by GMA Pictures (@gmapictures)

Makakasama rin sa Samahan ng Makasalanan sina Liezel Lopez, Jade Tecson, Sanya Lopez at Joel Torre.

Abangan ang Samahan Ng Mga Makasalanan sa April 19.