Ysabel Ortega, honored na bumida sa pinakabagong murder mystery series na 'SLAY'
Excited na si Ysabel Ortega na makilala ng lahat ang bagong role na pagbibidahan sa GMA's first Viu Original series na SLAY.
Ito ang unang pagkakataon na gumawa si Ysabel ng isang murder mystery series, na aniya napakalaki ng pagkakaiba sa dati niyang heroine role sa Voltes V: Legacy.
Sa naganap ng media conference ng Viu Original para sa SLAY, ibinahagi ni Ysabel ang ilang mga dahilan kung bakit tinanggap niya ang bagong proyekto.
"I said yes to this role because when I found out that this was Viu and GMA collaboration alam ko na agad na groundbreaking itong series na 'to. Because every time Viu and GMA collaborate, it's always a show that really stretches the boundaries of what can be seen in a Philippine series," ani Ysabel.
Ito ang unang pagkakataon na magkakaroon ng magkaibang point of views ang kuwento sa GMA at Viu Original.
Pagpapatuloy niya, "And, when I heard about my role Yana, na-realize ko talaga that this was something out of my comfort zone. This genre is something I've never done before.
"Sobrang opposite ng last kong project which I played the heroine. Na-excite ako to know how my character who can be seemingly innocent have the capacity to possibly kill a person. So, that kind of question played in my head, and kung paano ko lalaruin 'yon."
Na-excite din si Ysabel na gawin ang SLAY dahil sa star-studded na cast. Makakasama niya sa lead cast sina Gabbi Garcia, Mikee Quintos, at Julie Anne San Jose.
"Of course, to be a part of this wonderful cast with these three amazing ladies also made me excited to start shooting for this one. And, of course, with Derrick [Monasterio]. It's just really something super exciting talaga. I'm excited na makilala rin ng lahat si Yana Cortez."
Ilan pa sa mahuhusay na aktor na makakasama ni Ysabel sa SLAY ay sina Royce Cabrera, James Blanco, Tina Paner, Matet de Leon, Bernard Palanca, Phoemela Baranda, Chuckie Dreyfus, Simon Ibarra, Jay Ortega, at Gil Cuerva.
Mapapanood na ang SLAY sa Viu Original simula March 3 at GMA Prime sa March 24.
Panoorin ang full trailer ng Viu Original para sa SLAY sa video na ito:
SAMANTALA, TINGNAN ANG NAGANAP NA MEDIA CONFERENCE NG SLAY SA GALLERY NA ITO:
