'FPJ Sa GMA,' mapapanood na simula March 2

Matapos ang 30 taon, magbabalik ang mga klasikong pelikula ng late King of Philippine Movies na si Fernando Poe Jr. sa orihinal nitong tahanan sa telebisyon.

Muling mapapanood sa GMA ang FPJ Sa GMA tuwing linggo, simula March 2, sa oras na 3:15 ng hapon.

Ipapalabas sa GMA ang ilang digitally restored films ng National Artist For Film bilang isa sa biggest offerings ng Kapuso Network sa ika-75 anibersaryo nito na may temang “Forever One With The Filipino.”

Ang pagbabalik ng FPJ sa GMA ay maisasakatuparan matapos pumirma ng isang partnership agreement ang Kapuso Network at ang FPJ Productions, Inc., ang responsable sa pagre-restore ng mga pelikula ni Da King, noong December 3, 2024.

Narito ang ilang larawan mula sa contract signing ceremony.