Barbie Forteza, Iza Calzado, at iba pang mga artista, dumalaw sa huling gabi ng burol ni Gloria Romero
Dagsa ang mga artista at tagahanga ng nag-iisang Gloria Romero sa huling gabi ng burol ng yumaong aktres kagabi, January 28, sa Arlington Memorial Chapel.
Kabilang sa mga dumating sina Barbie Forteza na nakatrabaho ni Gloria sa The Half Sisters at Meant To Be, at Iza Calzado na gumanap bilang batang bersyon ng karakter ni Gloria sa GMA Pictures movie na Moments of Love.
Bumisita rin sa burol sina dating presidente Joseph Estrada, Vilma Santos, Daisy Romualdez, Sharon Cuneta, Tirso Cruz III, Leo Martinez, Nova Villa, at Celia Rodriguez.
"Nawalan tayo ng isang icon. Napakaganda niya hindi lamang dahil sa itsura niya, kundi sa kaniyang pagdala sa sarili, sa pakikipagkapwa-tao. She was really a beautiful human being," saad ni Iza.
Para kay Film Development Council of the Philippines chairperson Jose Javier Reyes, si Gloria ang maituturing na Queen of Philippine Cinema.
Aniya, "Kung papaano niya tratuhin ako bilang writer, bilang director, gano'n din niya tratuhin ang mga utility, even down to the smallest person on the set. So that for me is a rare quality."
Ngayong araw ike-cremate ang mga labi ni Gloria.
SAMANTALA, BASAHIN ANG ILANG TRIBUTE NG MGA ARTISTA SA NAG-IISANG GLORIA ROMERO DITO:
