TINGNAN: Ang mga artista sa family comedy movie na 'D' Ninang'

Dumalo sa grand media launch ng 'D'Ninang' ang direktor at cast members nito: (mula kaliwa) director GB Sampedro, McCoy De Leon, Kisses Delavin, Aiai Delas Alas, Angel Guardian, Kiray Celis, at Lou Veloso.

Pagbibidahan ni Aiai Delas Alas ang 'D' Ninang,' kung saan gaganap siya bilang lider ng mga magnanakaw na tumutulong sa kanilang komunidad.

Bibigyang-buhay ni Kiray ang papel ni Lorena, isa sa mga pinakamakukulit na miyembro ng grupo ng mga magnanakaw na pinamumunuan ng binansagang 'D'Ninang.'

Ang Kapuso actress na si Angel Guardian ay gagampanan ang papel ni Sol sa comedy film. Siya ang kanang-kamay ng karakter ni Aiai.

Si Lou Veloso ang magsisilbing sidekick ni Aiai sa 'D'Ninang.' Gagampanan niya ang papel ni Lolo Medi na gagamitin ang katandaan para makapagnakaw.

Ayon sa direktor ng 'D'Ninang' na si GB Sampedro, kinabahan siya sa pagdi-direk ng pelikula dahil halos lahat ng cast members nito ay first time niyang nakatrabaho.

Ang 'D'Ninang' ay iprinodyus ni Mother Lily Monteverde ng Regal Films. Ito ay mapapanood na sa mga sinehan simula January 22.