'Green Bones', nasa fourth blockbuster week na!
Pagkakataon na ng mga hindi pa nakakapanood o nais balikan ang nakakaantig na istorya ng award winning 2024 Metro Manila Film Festival (MMFF) movie na Green Bones, dahil masayang inanunsyo ng GMA Pictures at GMA Public Affairs na extended muli ito sa mga sinehan hanggang January 21.
Kahit patapos na ang extend screening ng MMFF mismo, dagsa pa rin ang mga tao sa sinehan at mga positive review ng pelikula online. Meron pa ngang nabuong challenge na "Before and After Watching Green Bones." Naging patok ito dahil halos lahat ng nanood ng pelikula ay pare-parehong umuwing luhaan pagkatapos matunghayan ang nakakaantig nitong istorya.
Maaaring bumili ng tickets online sa mga website ng SM Cinemas, Ayala Malls, Robinsons Movieworld, Megaworld Cinemas, Gateway Cineplex, Powerplant Cinema, Fisher Mall, at Vista Cinemas.
Tingnan ang listahan ng cinemas na kasama sa fourth blockbuster week screening ng Green Bones:
Malapit na ring mapapanood ang MMFF movies sa Los Angeles, USA, para sa Manila International Film Fest 2025 (MIFF) na gaganapin mula January 30 hanggang February 2, 2025. Kasama rin dito ang high-grossing film ng GMA Pictures at Star Cinema na Hello, Love Again.
Para ipresenta ang inspirational-drama film, kasama rin ang award-winning leads ng pelikula na sina Dennis Trillo at Ruru Madrid sa film fest.
Ang 2024 MMFF Best Pictures winner na Green Bones ay nasa ilalim ng direksyon ni Zig Dulay at isinulat nina Ricky Lee at Anj Atienza. Ito rin ay co-produced ng Brightburn Entertainment at distributed ng Columbia Pictures para sa Sony Pictures Releasing International.
RELATED: Celebrities congratulate 'Green Bones' on big wins at MMFF 2024
