Meet the 15 bridesmaids of Heart Evangelista

By AEDRIANNE ACAR

 

Busy na sa preparations ng kanilang kasal ang power couple na sina StarTalk host Heart Evangelista at Senator Francis Joseph “Chiz” Escudero next year. 

 

Sa katunayan inaayos na raw ng dalawa ang listahan ng kanilang magiging ninong at ninang.

Sa panayam ng 24 Oras sa magkasintahan, ni-reveal ng dalawa na isa si GMA Chairman & CEO Atty. Felipe L. Gozon sa mga magiging ninong nila. Ayon kay Sen. Chiz, naging very supportive ang GMA big boss sa kanilang dalawa sa simula pa lang ng kanilang relasyon.

 

“Kilala namin, nadaanan namin, na-meet naming dalawa at nandun nung nagsisimula pa lang kami,” saad ni Chiz.

 

Ang color motif daw ng dream wedding ni Heart ay may touch ng peach, blush at pastel. Bukod pa riyan, mayroon daw siyang 15 bridesmaids at kabilang dito ang ilang Kapuso celebrities na malapit sa kanyang puso. 

 

Ani Heart, “I have 15 bridesmaids si Carla Abellana, Jennylyn Mercado, Lovi Poe, Solenn Heusaff, Alessandra de Rossi and then mostly 'yung mga highschool friends ko.”
 

Sa post naman ng Sunday All Stars mainstay sa kanyang Instagram account this Sunday, kitang-kita na excited ang soon-to-be Mrs. Escudero sa kanyang wedding pictorial. 

 

Sabi sa post ni Heart, "Not very long from now:) crazy week...loving and living the dream:) #chizandheart #photoshoot"

 

Elegant at ethereal ang look ng Kapuso actress sa wedding shoot at hindi mababakas ang stress sa papalapit niyang wedding. 

 

Nagpaabot din ng mensahe si Heart sa Royal Couple na sina Kapuso Primetime Queen Marian Rivera at Kapuso Primetime King Dingdong Dantes na ikakasal bago matapos ang taon sa Immaculate Conception Cathedral sa Cubao. 

 

Aniya, “I wish them all the best. I wish na maging perfect ang lahat ng gusto nila on that very special day.”