Jasmine Curtis-Smith at John Lloyd Cruz, may intimate scenes sa bagong pelikula
Bukod sa high-rating GMA primetime series niyang Asawa Ng Asawa Ko, mapapanood din si Jasmine Curtis-Smith sa thriller film na Moneyslapper kung saan makakasama niya si John Lloyd Cruz.
Na-challenge daw si Jasmine sa bagong proyekto dahil ni-level up niya ang kanyang acting.
"It's a good piece to work on. Also, I think, parang mas pinapaangat n'ya 'yung kakayanan ko kada proyekto na may gano'ng klaseng kapareha," bahagi ng Kapuso actress sa 'Chika Minute' report ni Aubrey Carampel sa 24 Oras kagabi, November 8.
Mayroon din silang intimate scenes ni John Lloyd sa Moneyslapper na entry sa QCinema International Film Festival Asian Next Wave 2024.
Pag-amin ni Jas, hangga't maaari, hindi pinanonood ng boyfriend niyang si National Youth Commission chairperson Jeff Ortega ang movies niyang may love scenes. Gayunpaman, very supportive daw si Jeff kahit na nasa magkaiba silang industriya.
Makakasama nina Jasmine at John Lloyd sa Moneyslapper sina Charlie Dizon, Mercedes Cabral, Lav Diaz, Susan Africa, at iba pa. Mula ito sa direksyon ni Bor Ocampo.
Panoorin ang buong ulat dito.
Nagkatrabaho rin sina Jasmine at John Lloyd sa sitcom ni JLC sa GMA na Happy ToGetHer nang mag-guest ang aktres dito noong 2021.
