Shan Vesagas, hindi makapaniwala na magiging parte ng Sparkle family
Certified Sparkle artist na ang crush ni Precious (Esnyr)!
Isa sa mga newest talents ng Sparkle GMA Artist Center ang TikTok star na si Shan Vesagas. Dumalo ang guwapong binata sa star-studded Signed for Stardom event nitong May 16.
Ayon kay Shan, hindi raw siya makapaniwala na mula sa pagiging internet sensation ay magiging bahagi na siya ng talent management arm ng Kapuso Network.
Sabi niya, “I started being an influencer during the pandemic and then I didn't know there's going to be an opportunity for me. I was actually a basketball player at first.”
Samantala sa post naman nito sa Instagram Story, nagpaabot siya ng pasasalamat sa mga supporters niya mula noong nagsisimula pa lamang siya.
Aniya, “Too jittery up there, but, I just wanna thank all of my supporters especially the one from the TikTok pandemic era up to Hayskul Crush fans. Wouldn't be here without ya'll for sure. Love and appreciate you guys so much.”
Source: svesagas (IG)
May mahigit sa one million follower sa TikTok si Shan at tampok din siya sa viral kilig series ng content creator na si Esnyr Ranollo na “Hayskul Crush Moments” sa YouTube.