Gabbi Garcia transforms into Sang'gre Alena in hit TikTok challenge; earns 14M views in less than 24 hours
Trending ngayon sa social media ang pagkasa ni Gabbi Garcia sa sikat na makeup transformation sa TikTok kung saan nag-transform siya bilang ang iconic character sa Encantadia na si Sang'gre Alena.
Agad na umani ng milyon-milyong views online ang makeup transformation na ito ni Gabbi, na kasalukuyang mayroong mahigit 6.5 million views sa TikTok, 3.4 million views sa Instagram, at 4.2 million views sa Facebook mula nang i-post ito ng aktres noong Martes ng gabi.
"Avisala, Sang'gre Alena. E correi diu. Hopping on the trend! Hope it's not too late," sulat ng Sparkle actress.
Inaya rin ni Gabbi na sumali sa TikTok challenge ang Encantadia 2016 Sang'gres na sina Glaiza de Castro, Sanya Lopez, at Kylie Padilla. Aniya, "Aking mga apwe, kayo naman!"
Ilan sa napa-comment sa makeup transformation na ito ni Gabbi ay ang Sang'gre co-star na sina Bianca Umali, Sanya Lopez, Glaiza de Castro, at Direk Mark Reyes.
Soon, muling mapapanood si Gabbi bilang Sang'gre Alena sa inaabangang Encantadia Chronicles: Sang'gre.
Magbabalik din sa continuation ng iconic telefantasya ng GMA sina Glaiza bilang Pirena, Sanya bilang Danaya, at Kylie bilang Amihan.
Pagbibidahan ito ng bagong henerasyon ng mga Sang'gre na sina Bianca Umali bilang Terra, Kelvin Miranda bilang Adamus, Faith Da Silva bilang Flamarra, Angel Guardian bilang Deia.
Abangan ang Encantadia Chronicles: Sang'gre sa GMA Prime.
