Beauty Gonzalez cherishes special moment with daughter Olivia's cameo appearance in her new film
Hindi maikakaila na isa si Beauty Gonzalez sa versatile actress ng Philippine showbiz dahil sa kanyang mahusay na pagganap sa iba't ibang roles sa telebisyon at pelikula.
Related gallery: Beauty Gonzalez's remarkable roles in GMA Network
Katunayan, mayroong bagong movie ang aktres na pinamagatang Paquil, kung saan makakasama niya ang aktor na si JM De Guzman.
Bukod dito, mayroon ding cameo appearance ang anak ng Walang Matigas na Pulis sa Matinik na Misis Season 2 star na si Olivia Crisologo. Bibigyang-buhay ng celebrity kid ang young version ng karakter ng kanyang ina.
Sa panayam ni Beauty sa Surprise Guest with Pia Arcangel, ikinuwento ng aktres na intense kaagad ang mga ginawang eksena ni Olivia sa pelikula.
“Tinanong ako nung production e. Tapos tinanong ko siya, volunteer naman siya, excited siya. Akala ko noong una, parang maglalakad lang siya, pa-cute pa-cute. Biglang, naging limang sequence. Oh, my God! Tapos, biglang may Tagalog. Hindi [ka] pa naman nagtatagalog nang bonggang-bongga. 'Yung Tagalog mo parang Amerikano 'yung tono. May crying scene pa,” aniya.
Dagdag pa niya, “Intense! Sabi ko, 'on your first gig, intense na agad.'”
Kuwento pa ni Beauty, natural ang pag-arte ng kanyang anak. “She handled it well. Like, she didn't look at the camera. Umiyak siya, pockets of tears, walang kakurap-kurap. Naka-two takes,” saad niya.
Ayon sa celebrity mom, siya ay nagulat dahil sa tuwing sinasama niya ang kanyang anak sa tapings ay inoobserbahan pala siya nito.
“All this time, kasi sinasama ko siyang mag-taping eh. Like, kung malapit lang 'yung location, kung kaya akong iuwi siya at wala siyang class, sinasama ko siya sa work. So, all this time na she's observing me, what I'm doing, she's doing it on set. Kuhang-kuha niya 'yung ugali ko. Pati 'yung iyak ko, lakad ko. Sabi ko, 'Oh my God!'” ani Beauty.
Labis naman ang pasasalamat ng aktres sa production team ng Paquil para sa pagbibigay ng oportunidad na mapabilang si Olivia sa kanyang pelikula.
Aniya, “It was a beautiful experience for [the] both of us. I'm so happy and thankful for the production to even consider, because she could watch the film and see herself na, and she did the film with her mama.”
Samantala, kasalukuyang mapapanood si Beauty sa action-comedy series na Walang Matigas na Pulis sa Matinik na Misis Season 2 tuwing Linggo sa GMA.
