Anak ni Beauty Gonzalez na si Olivia, may cameo appearance sa kanyang upcoming film
Isang happy at proud mom ang aktres na si Beauty Gonzalez dahil ipinamalas ng kanyang anak na si Olivia ang acting skills nito sa isang pelikula.
Related gallery: The adorable mother-daughter moments of Beauty Gonzalez and Olivia that will melt your heart
Sa Instagram, ibinahagi ng Walang Matigas na Pulis Sa Matinik na Misis Season 2 star ang larawan nila ni Olivia at sinabing magkakaroon ng cameo appearance ang kanyang anak sa upcoming film niya na Paquil.
“Back in Pakil, Laguna again. But this time, with my baby @oliviainescrisologo. She will be doing a cameo appearance in a film I am doing as the young me. Pretty cool I thought. Just a bit of play, kicks, and giggles, right?
“Wrong. As it turned out, she had lines in Tagalog and a heavy crying scene. Yikes, straight into the deep end on her first splash,” sulat niya sa caption.
Ibinahagi rin celebrity mom kung gaano siya ka-proud sa kanyang anak. Patuloy niya, “But WOW, well done baby. You made us proud. A little glimpse into my world, now back to class.”
Si Olivia ay ang anak ni Beauty at ng asawa niyang si Norman Crisologo. Isinilang ang kanilang anak noong 2016.
Kasalukuyang bumibida si Beauty bilang Gloria Reynaldo sa action-comedy series na Walang Matigas na Pulis Sa Matinik na Misis Season 2, na mapapanood tuwing Linggo, 7:15 p.m., sa GMA.
Mayroon ding bagong pelikula ang aktres na pinamagatang After All kasama ang Kapuso actor na si Kelvin Miranda, na nakatambal niya sa GMA Afternoon Prime series na Stories From the Heart: Loving Miss Bridgette.
