Direk Zig Dulay excited to work with the cast of Widows' War

Ngayong 2024, mapapanood sa GMA ang murder mystery series na Widows' War.

Ang upcoming series ay ididirek ng Firefly director na si Direk Zig Dulay.

Sa katatapos lang na story conference ng Widows' War, nagbigay ng pahayag si Direk Zig tungkol sa serye.

Ayon sa kanya, ito ang kauna-unahan niyang murder mystery series.

Pahayag ng direktor, “First time ko na gagawa ng mystery na serye. First time ko rin na maka-work si Bea [Alonzo] tapos si Carla [Abellana].”

Pagbabahagi pa niya, excited na siyang makatrabaho ang dalawang Kapuso actress.

Sabi niya, “Sobrang excited ako na maka-collaborate sila. Sure naman ako na dahil sa husay nila... maayos [na magagawa] 'yung serye.”

Ang kaabang-abang na serye ay pagbibidahan nina Bea Alonzo at Carla Abellana.

Ang konsepto at istorya ng Widows' War ay nagmula sa creative team ng dalawang murder mystery series sa GMA na Royal Blood at Widows' Web.

Ang creative team ay binubuo nina Ricky Lee (Content Development Consultant), RJ Nuevas (Concept creator and Creative Consultant), Louize Alsheri (Brainstormer), Obet Villela (Head Writer), Jimuel Dela Cruz, Abner Tulagan (Writers), Ken De Leon (Writer and Concept Creator), and Aloy Adlawan (Creative Director).

Parte rin ng bagong serye ang program manager noon ng Royal Blood na si Redgynn Alba.

Abangan ang Widows' War sa GMA Prime ngayong 2024.