Murder mystery series na 'Widows' War', abangan sa GMA Prime

Ihanda na ang inyong mga puso sa panibagong murder mystery series na handog ng GMA-7.

Mapapanood ngayong 2024 ang Widows' War, ang seryeng may dalang misteryo na talaga namang dapat tutukan ng viewers sa telebisyon man o online.

Nito lamang Martes, January 23, 2024, idinaos ang story conference at script reading para sa upcoming series.

Nagkita-kita sa naturang event ang cast, creative team, at iba pang magiging parte ng bagong GMA program.

Present sa storycon ang mahuhusay na Kapuso actresses na kabilang sa cast na sina Carla Abellana at Bea Alonzo.

Dumalo rin sa event ang magiging co-stars nina Carla at Bea sa serye na sina Benjamin Alves, Jean Garcia, Jackie Lou Blanco, Timmy Cruz, Jeric Gonzales, Rita Daniela, Mark Herras, at marami pang iba.

Ang upcoming series ay ididirek ng direktor ng Firefly na si Direk Zig Dulay.

Kanino at paano kaya iikot ang istorya ng Widows' War?

Abangan ang pinakabagong murder mystery series ngayong taon sa GMA Prime.