Alessandra De Rossi celebrates 'Firefly''s Best Picture win
Naiuwi ng pelikulang Firefly ang Best Picture Award mula sa 49th Metro Manila Film Festival o MMFF.
Naganap ang MMFF 2023 Gabi ng Parangal nito lamang December 27, 2023.
Kabilang sa mga dumalo rito ay ang lead stars ng Firefly na sina Alessandra De Rossi at Euwenn Mikaell, kasama ang direktor nilang si Zig Dulay.
Sa Instagram posts ni Alessandra, makikita ang kanyang mga larawan habang suot niya ang kanyang 'firefly' gown na likha ng fashion designer na si Kim Gan.
Mababasa sa captions ni Alessandra ang pagbati at pagpupugay sa 2023 film na kanyang kinabilangan.
Ayon sa kanyang unang post, “Artista mode… Congratulations sa Firefly.”
Sulat naman niya sa isa pang post, “Aaaaaah… Mabuhay ang firefly [heart emoji].”
Sa comments section, mababasa ilang papuri ng netizens kay Alessandra sa mahusay na pag-arte nito sa pelikula.
Samantala, bukod sa Best Picture, dalawang parangal pa ang natanggap ng pelikula.
Naiuwi ng Kapuso child actor at co-star ni Alessandra na si Euwenn ang Best Child Performer award.
Wagi naman bilang Best Screenplay ang GMA Public Affairs Assistant Vice President at writer ng Firefly na si Anj Atienza.
Ang naturang pelikula ay nabuo sa produksyon ng GMA Pictures at GMA Public Affairs.
SAMANTALA, NARITO ANG ILAN PANG SPARKLE TALENTS NA BAHAGI NG MMFF MOVIES:
