Maitim na kili-kili ng isang babae at kabaong unboxing ng isang vlogger, iimbestigahan sa 'AHA'

Panibagong mga solusyon sa mga problema sa bahay, barangay at buhay ang hatid ngayong parating na Sunday morning ng 2022 Prix Jeunesse International Festival finalist na AHA.

Ayaw nang maging "dark secret" ng isang babae ang kanyang maitim na kili-kili kaya agad niyang sinubukan ang isang produkto na nangangakong magiging lunas dito. Pero imbis na pumuti ang kanyang kili-kili, nagpantal, nasunog at nagsugat pa ito! May solusyon pa ba sa problema niyang ito?

Isang vlogger naman sa Bulacan ang may kakaiba at nakakakilabot na mga videos. Imbis na gadgets at iba pang bagong gamit, mga kabaong ang bida sa kanyang unboxing videos. Anong mga kababalaghan ang nararanasan niya sa kakatwang hobby na ito?

Sa Batangas naman, trending ang isda na naging palaisipan sa mga nakahuli nito. Orange ang katawan nito, may matigas na kaliskis at ang pinaka ikinagulat nila--mayroon daw itong maliliit na paa. Ano ang nilalang na ito?

Mula naman sa Finland, nakarating na sa Pilipinas ang SuperPark, isang digital playground and indoor theme park. Anong mga dapat abangan sa bagong attraction na ito para ma-level up ang bonding with friends and family ngayong parating na holiday season?

Abangan ang mga kuwentong 'yan na puno ng fun-kaalaman ngayong Linggo, November 12, 8:15 a.m. sa AHA.

Patuloy ring panoorin ang informative at fun episodes ng Anak TV Seal awardee and 2022 Prix Jeunesse International Festival finalist program na AHA, Sunday mornings sa GMA.