Cast ng 'Lilet Matias: Attorney-at-Law,' nagsimula nang mag-taping
Nagsimula nang mag-taping ang ilang cast ng inaabangang legal drama series na Lilet Matias: Attorney-at-Law noong Sabado, June 3.
Sumabak na sa unang araw ng taping para sa upcoming GMA Afternoon Prime drama series ang Kapuso stars na sina Joyce Ching, Martin del Rosario, at Sparkle beauty na si Yvette Sanchez.
Sa Instagram ay nagbahagi ang direktor nito na si Adolfo Alix Jr. ng ilang mga larawan mula sa set ng naturang Kapuso serye.
Aniya, “ROLLING! First taping day for #AttyLiletMatias! Happy to be reunited with #TeamAraBella for this new journey! Hopefully this will be another happy set! Wonderful scenes with @martinmiguelmdelrosario @chingjoyce who are two very reliable actors. Enjoyed working with @imyvettesanchez too. And thanks for dropping by @thejoberry who's sporting a new look for her character!”
Sinigurado naman ng Kapuso actress at bida nito na si Jo Berry na present siya sa unang araw ng taping bilang suporta sa Team Lilet Matias.
Sa kanyang Instagram post ay ipinakita rin ni Jo ang kanyang fresh at new look para sa kanyang role bilang si Lilet Matias.
“Ready na yung hair to be Atty. Lilet Matias,” sulat niya sa kanyang caption.
Makakasama ni Jo Berry sa Kapuso serye na ito ang award-winning young actor na si Joaquin Domagoso, Sparkle beauties na sina Zonia Mejia at Hannah Arguelles, mga batikang aktres na sina Sheryl Cruz, Glenda Garcia, at Teresa Loyzaga, Sparkle heartthrobs na sina Jason Abalos at EA Guzman, at komedyante na si Ariel Villasanta.
SAMANTALA, BALIKAN ANG MGA HINDI MALILIMUTANG KARAKTER NA GINAMPANAN NI JO BERRY SA GALLERY NA ITO:
