IN PHOTOS: Kapamilya stars na naging Kapuso ngayong 2018

Si Devon Seron ay naging parte ng reality show ng ABS-CBN bago siya lumipat ng GMA Network. Kuwento ni Devon sa isang exclusive interview ay personal umano niyang desisyon ang lumipat sa Kapuso Network, "Actually personal decision ko talaga siya. For me, I think makakatulong siya sa 'kin sa pagiging malawak ko as an artist. And of course, sa tingin ko, it will help me to grow as an actress talaga."

September 2018 nang lumipat sa GMA Network ang actor/ performer na si Rayver Cruz. Eighteen years ang kanyang itinagal sa kabilang network bago siya nagdesisyong maging opisyal na Kapuso.

Muling bumalik sa pagiging Kapuso si Paul Salas nitong May 2018. Si Paul ay mula sa reality-based artista search ng GMA Network na 'StarStruck Kids.'

Bukod sa pagiging beauty queen ay dating ring courtside reporter si Laura Lehmann para sa ABS-CBN Sports.

Bukod sa pagsulat ni Mark Bautista ng librong 'Beyond the Mark' kung saan inamin niyang siya ay bisexual, ngayong taon rin siya nagbalik Kapuso.

Diretsahang inamin ni Matt Evans ang kanyang dahilan sa paglipat sa GMA Network. Ani ni Matt, "Aaminin ko po, marami na rin po kami sa Dos at tatay na rin po ako so kailangan ko rin po ng mas marami pang trabaho."

Si John Estrada ay diretsahang inamin na gusto niya ang mga inoffer ng GMA Network sa kanyang paglipat. Aniya, "It's a fact naman na men love challenges. As you mature, siyempre madami kang gustong patunayan sa sarili mo. At sa GMA, medyo maganda talaga [and] interesting 'yung content. At of course, bagay sa'kin 'yung versatility na ino-offer nila."

Sa pagbabalik ni Sunshine Cruz sa Kapuso Network ay bumida na agad siya sa 'Kapag Nahati Ang Puso.'

Ang dating child star mula sa ABS-CBN na si Kiray Celis ay lumipat na rin sa Kapuso Network.