Lovely Abella, isa nang certified fitness instructor
Work never stops para sa ilang Bubble Gang babe kabilang na ang komedyante at aktres na si Lovely Abella na pinasok na rin ang pagdaos ng online fitness class sa gitna ng quarantine.
Isa nang certified fitness trainer si Lovely matapos niyang magkamit ng certificate mula sa Online Learning Provider na New Skills Academy.
“Isipin mo sa pag-aaral kong 'yon, medyo natuyot 'yung utak ko kasi kailangan mo pala pag-aralan ang nerves, brains, ang joints, ang respiratory, ang heart.
“So iba't iba pala 'yung function nu'n every time na nagwo-workout tayo. Dapat pala inaalam 'yun talaga.
“Mas marami akong natutunan at the same time medyo pinagkakakitaan ko na rin siya this time,” sabi ni Lovely.
Ilang ZOOM HIIT workouts na rin ang nagawa ni Lovely online.
WATCH: Lovely Abella at Valeen Montenegro, nagbahagi ng tips upang maging fit ngayong 2019
Samantala, dahil sa COVID-19 pandemic at nakansela ang kasal ni Lovely sa fiancé nitong si Benj Manalo na dapat sana ay sa January 2021 gaganapin.
Pero inamin naman niya na magiging mas matipid ang kanilang pagpapakasal dahil sa mga dapat isaalang-alang sa pagdaraos ng events ngayon.
“Actually mas nakatipid talaga ngayon dahil siyempre ang bisita mo limited. 'Di ba? Kaya lang, dahil din sa quarantine nagastos din namin 'yung budget pang-wedding,” aniya pa.
Na-engage sina Lovely at Benj noong June 2019.
Celebrity couple Lovely Abella and Benj Manalo mark 5th anniversary
Panoorin ang buong 24 Oras report:
