Jeremiah Tiangco reveals he will be a dad soon
Inilahad ng Kapuso singer at The Clash Season 2 grand winner na si Jeremiah Tiangco na magiging ama na siya soon.
Ito ay kanyang ibinahagi sa “Tawag ng Tanghalan: All-Star Grand Resbak” ng noontime variety show na It's Showtime, kung saan isa siya sa returning contestants.
Matapos ang kanyang pag-awit ng “Through The Fire,” tinanong ni Vice Ganda si Jeremiah kung bakit pinili niyang lumaban pa rin sa kabila ng kanyang pagkapanalo sa second season ng The Clash.
“Naniniwala po ako na hindi po natatapos sa The Clash 'yung laban ng buhay ko. This time, gusto ko po makita ng upcoming baby ko na, 'Ay, lumalabas pala si Dada noong ano, 'yung pangarap hindi niya binalewala, wala siyang what if sa buhay niya,'” aniya.
Binigyan naman si Jeremiah ng congratulatory greetings ng hosts dahil sa bagong blessing ng buhay niya. Tinanong din ni Jhong Hilario si Jeremiah kung ano ang nararamdaman niya ngayong soon-to-be dad na siya.
“Masaya po, Kuya Jhong, masaya as in. Hindi ko ma-explain, parang overwhelming siya sa feeling,” sagot niya.
Inilahad din ni Jeremiah na baby boy ang first child nila ng kanyang longtime partner at papangalanan nila itong Raya Lux.
RELATED GALLERY: All the photos that prove 'The Clash' Season 2 winner Jeremiah Tiangco is a certified hypebeast
Samantala, subaybayan ang It's Showtime tuwing Lunes hanggang Sabado, 12 noon, sa GMA at Kapuso Stream.
